د بلوچستان صوبې په سر ښار کوټه کې خبریالانو د خپل یو همکار په ھدفي حمله کې د وژل کېدو پر ضد احتجاج او د صوبايي اسمبلۍ د غوڼدې نه بایکاټ وکړو
خبریالانو د صوبايي اسمبلۍ مخ ته احتجاج کې کارډونه را اخیستي و او د حکومت پر ضد یې شعارونه ورکړل۔
احتجاج کونکو خبریالانو تېرہ ورځ په کوټه کې د وژل شوي خبریال عبدالواحد رئیساني د قاتلانو د نیولو غوښتنه وکړہ۔
احتجاج کونکو له حکومت څخه غوښتنه وکړه چې په تېر پنځلس کالو کې د بلوچستان په بېلا بېلو پېښو کې د خبریالانو د وژل کېدو پېښو د پلټنو لپارہ دې عدالتي کمیشن جوړ کړي.
د بلوچستان په عدالتي اسمبلی کې د وژل شوي خبریال عبدالواحد په حق کې دعا هم وشوہ۔
حکومتي او د حزب اختلاف غړو له احتجاج کونکو خبریالانو سرہ ولیدل او د دوی غوښتنو لپارہ په ایالتي اسمبلی کې د ږغ پورته کولو باور ورکړ۔
د لیدلو پر مهال صوبايي وزیرانو زمرک خان اڅکزي او یار محمد رند وویل د خبریالانو تحفظ د حکومت زمه واري وي۔
د بلوچستان د اعلا وزیر جام کمال د اطلاعاتو مشیرې بشری رند وویل له وزیر اعلا سرہ به د خبریالانو غوښتنې شریکوي۔
بشری رند وویل په ایالت کې امنیتي ځواکونو ھم قرباني ورکړې دہ قاتلین یې نه دي گرفتار شوي۔
خبریالانو وویل د ھر وژل شوي کېس قاتلان نیول د حکومت زمه واري دہ ۔
د ایالتي اسمبلی د غړو په باور خبریالانو احتجاج ختم کړ او د ایالتي اسمبلۍ اجلاس کې شریک شول۔
