د امریکې صدر منتخب ډانلډ ټرمپ د ريپبلېکن پارټۍ د کانګرس غړې الیس سټيفانېک د ملګرو ملتونو دپاره د امریکې سفیره غوره کړه.
ټرمپ د خپلې فېصلې اعلان د ګل، دوشنبې، په ورځ روېټرز خبري ادارې ته په یو بیان کې وکړو.
ټرمپ په خپل بیان کې وویل سټيفانېک يې د خپلې کابينې د غړي په حېث د ملګرو ملتونو دپاره سفیره نامزد کړه. هغه زیاته کړه چې سټیفانېک په بې مثاله توګه مضبوطه، هوښیاره او د امریکې دپاره جنګېدونکي مېرمن ده.
سټیفانېکن د نیویارک نه د کانګرس منتخب غړې او د ټرمپ کلکه حمایتي ده. په سمدستي توګه د هغې دریځ نه و دستیاب.
ټرمپ د خالي، شنبې، په ورځ وویل نېکي هېلي چې په یو وخت کې په صدارتي زغل کې شامله وه او په ملګرو ملتونو کې د امریکې سفیره هم وه، او پخوانی خارجه وزیر مایک پامپېيو، به په کابینه کې نه شاملوي.
د جنورۍ په شلمه نېټه د صدارت سوګند پورته کولو نه مخکې ټرمپ په کابینه کې د ممکنه غړو سره ملاقاتونه کوي.
روېټرز د جمعې په ورځ دا خبر ورکړی و چې ټرمپ د سرمایه کار سکاټ بېسېنټ سره هم لیدلي دي. د بېسېنټ په اړه وېل کېږي چې د ټرمپ په کابینه کې د خزانې د وزارت امیدوار کېدلی شي.
د وي او اې ډیوه وټسېپ چېنل