د پاکستان محمد حارث په خپل دریم اوور کې پرله پسې د هندوستان ۲ لوبغاړي (هارډک پانډیا او جسپرت بمرا) اوټ کړل. هندوستان په ۱۸ اورونو کې د ۹ لوبغاړو په سوځیدو ۱۱۳ منډې جوړې کړي.
د پاکستان تجربه کار تیز بالر محمد عامر پرله پسې دوه هندي لوبغاړي اوټ کړل. محمد عامر د ۱۵ اوور به لومړي بال ریشاب پانټ او په دویم بال روېندر جدېجا اوټ کړل.
د کوز دیر نسیم شاه په خپل دریم اوور کې دریم وکټ هم واخستو. نسیم شاه په خپل لومړي اوور کې وېراټ کوهلي، په دویم کې اشر پټیل او په دریم اوور کې یې د شېون دوبی وکت واخستو. د هندوستان لوبډلې په 14 اورونو کې 96 رنز جوړ کړي او 5 لوبغاړي یې سوځیدلي.
د هندوستان څلورم لوبغاړی سوریا کمار یادیو په ۷ منډو جوړلو د محمد حارث په بالنګ اوټ شو. محمد عامر یې کېچ واغستو. ریشاب پنټ لا هم په مېدان ولاړ دی او ۴۰ مندې یې جوړې کړي. د هندوستان لوبډلې په ۱۱.۲ اورونو کې ۸۹ منډې جوړې کړي او ۴ لوبغاړي یې اوت شوي.