په پاکستان کې په جبري توګه د بې درکه شويو کسانو د موندنې او حقونو لپاره کار کونکي غېر دولتي تنظيم ډېفنس اف هيومن راېټس په خپل کلني رپورټ کې ويلي، په کال 2024م کې هم 19 کسان په زوره بې درکه کړل شوي او يو کس د حراستي مرکز دننه د عدالت څخه ماورا يا عدالت نه لرې وژل شوی دی.
په بلوچستان کې د سلېمان مارخور د غرني پسه په ناقانونه ښکار درې تنه نيول شوي، دوه پکې سرکاري نوکران دي. د بلوچستان سر ښار کوټې ته نزدې پروت غره تکتو کې د نايابه نسل غرني پسه چې په مار سلیمان مارخور مشهور دی ښکار شوی دی.
د پاکستان پوځ ویلي، د نهمې مې په پېښو کې ککړو سزاوار شوو کې 19 کسانو د رحم خواست کړی، هغه منظور کړل شوی او سزاګانې یې معاف کړل شوي دي. ويل شوي دغو مجرمانو ته دوه، دوه کاله بند سزا اورول شوې وه.
عورت فاونډېشن رپورټ وايي تيرو دولس مياشتو کې د دتشدد په 73 پېښو کې 43 ښځي وژل شوي چې 19 ښځي او 14 نارينه د نګ اوناموس په تور قتل شوي دي، څلور ښځو د کورنى تاوترېخوالى لکبه خپل ځان خپله وژلی
پاکستان کې د شخړو او امنيت د مطالعاتو په نوم غېردولتي ادارې په خپل کاليز رپورټ کې ويلي، پاکستان کې په تېر کال 2024م کې ترهګر بریدونه 40فيصده سېوا شوي او تر ټولو زياتو بريدونو زمه وارۍ تحریک طالبان پاکستان (ټی ټي پي) منلي دي.
پاکستان کې په کال 2024م کې ترهګرې پېښې، وسله وال بريدونه سېوا شوي، 1612 ملکي وګړي او امنيتي عسکر پکې وژل شوي، چې پکې د امنیتي عسکرو شمېره 685 ښودل شوې ده.
د پاکستان پوځ وايي، سږ کال په 2024م کې د ترهګرۍ ضد عملياتو کې د پوځ 383 افسران او عسکر وژل شوي دي.
نور کتل
