زمونږ په اړه

وي او اې د امریکې تر ټولو لوی نړېوال ملټي میډیا خبري تنظیم دی چې په څه باندې ۴٥ ژبو، هغو کسانو ته چې آزادو مطبوعاتو ته یې لاس رسی نشته یا کم دی، معلومات برابروي.

وي او اې، چې په کال ١٩۴٢ کې جوړه شوه، دې ته ژمنه ده چې په هراړخیزه او خپلواکه توگه رپوټونه چمتو کړي او خپلو لوستونکو، اورېدونکو، یا لیدونکو ته حقیقتونه بیان کړي. وي او اې چې (د امریکا غږ) د نړېوالې میډیا دپاره د امریکې د ادارې یا یو اېس ایجنسي فار گلوبل میډیا یوه برخه ده، د امریکې د ټیکس ورکوونکو په پیسو چلیږي.

د وي او اې ماموریت او په صحافتي چارو کې خپلواکي په قوانینو کې تضمین شوي چې د حکومتي چارواکو یا سیاستمدارانو د اثر رسوخ، فشار، یا انتقام په وړاندې د وي او اې د خبریالانو تحفظ کوي.

په ١٩٧٦ کال کې صدر جېرالډ آر. فورډ د وي او اې منشور لاسلیک کړ، چې په کې راغلي:

١ـ وي او اې به د خبرونو د یو همیشني ډاډمن او معتبرې سرچینې په توگه کار کوي. د وي او اې خبرونه به دقیق، بې طرفه، او هر اړخیز وي.

٢ـ وي او اې به د امریکا استازیتوب کوي، نه دا چې د امریکایي ټولنې د کومې واحدې برخې؛ او له دې مخې به، وي او اې د لوړ امریکایي خیال او بنسټونو یو انډول او هراړخیز تصویر وړاندې کوي.

٣ـ وي او اې به د امریکا پالیسۍ په واضحه او اغېزمنه توگه بیانوي، او همدا شان به پر دغو پالیسو باندې بامسئولیته بحثونه او نظریات هم وړاندې کوي.

په ١٩٩۴ کې، د امریکې کانگرېس د امریکې د نړېوالو خپرونو قانون پاس کړ. دا قانون همدا راز لازم گرځوي چې د وي او اې د جرنالیسټانو کار به معتبره، کره، بې پرې یا بې طرفه، هر اړخیز، په انډول برابر، او د امریکا د کلچر او معاشرتي رنگارنگۍ تصویر ورکوونکی وي.

په ٢٠١٦ کې، کانگرېس یو ځل بیا د قامي دفاع د اختیاراتو قانون کې دا پخلی وکړ چې د خبرونو د راغونډولو او د رپورټ ورکولو کارونه باید همداسې خپلواکه او بې پرې پاته شي.

د وي او اې جرنالیسټان هره ورځ سخت کار کوي چې نړۍ ته د آزادو مطبوعاتو د اساساتو بېلگې وښیي.

وي او اې

د مېډیا ازادي ارزښت لري

ډيوه ريډیو

دامريکا غږ ډيوه راډيودافغانستان او پاکستان دسرحدي سيمود پښتو وئيونکو وګړو يو نوى نشرياتي پروګرام دى.

دا سيمه دڅو لسيزو راهسې دجنګ ، غربت، نسلي او مذهبي اختلافاتو اؤ نورو بې شميره اولسي اؤ دصحت مسئلو سره مخ ده. نو ځکه ډيوه راډيو به په دې سيمه کې داوسيدونکو پښتنو دپاره راتلونکيو کلونو کې ديو بل مشال په څير خدمت وکړے شى. اؤ دوى له به په وړومبي فرصت کې په داسې شکل کې يوه هيله ورکړل شى چې دټولې نړۍ ،سيمې اؤ مقامي اهميت لرونکي دورځنيو حالاتو څخه به ئې خبر وساتى. اؤ په دويم پړاؤ کې به خلقو له دا موقع ورکړى چې خپلې ستونزې ، پوښتنې او وسوسې دسيمې نورو پښتنو وروڼو خويندو ته ورسوي.

دخبرونو سره سره ډيوه راډيو هره ورځ دصحت، کاروبار، تعليم ، سائنس او تفريح
سره علاقه لرونکو موضوعاتو باندې ، فيوچرې هم خپروي. ډيوه راډيو دخپل هر اوريدونکي ډاډګيرنه کوي چې زمونږ پروګرامونو باندې تبصرې وکړي اؤ په دې کې برخه واخلي.

زمونږ ذريعې

زمونږ دراډيو ملګري براډکاسټران ، پروډيوسران اؤانجنئيران شپه اؤ ورځ په دې هڅه کې دي چې ستاسو دضرورت مطابق ښۀ معيارى خبرونه او نشريات تر تاسو درورسوي

.واشنګټن کې زمونږ هيډکوارټر دحکومتي مرکز اؤ سپينې ماڼۍ څخه په څو قدمه پروت دى. نو ځکه ډيوه راډيو دامريکا لخوا تازه اؤ نوي خبرونه خپروي
.
امريکا غږ ډيوه راډيو په ټوله نړۍ کې او په دې سيمه کې دخبرونو اؤ نورو تکنيکي وسيلو راغونډولو دپاره دنمائندګانو په شکل کې يو پراخه انتظام لري. همدغه شان ډيوه اډيو چې دنړۍ او سيمې دحالاتو په حقله کوم کوټلى رپورټنګ کوي.

دهغې په نتيجه کې تاسو ته هره ورځ هاغه اطلاعات په لاس درتلى شي دکومو چې تاسو ضرورت لرئ دامريکا غږ ډيوه راډيو ټولې خپرونې زمونږ په ويب پاڼه کې محفوظې دي. چرته چې تاسو نور هم ډير څه لوستى شئ دا پاڼه هره ورځ تازه کولى شي.