د افغانستان د کرکټ ١٩ کلنې ملي لوبډلې د نړيوال جام د پيل په لومړۍ لوبه کې پاکستان ته ماتې ورکړه.
د ١٦ هېوادونو د ١٩ کلنو لوبډلو په ګډون د کرکټ نړيوال جام پنځوس اووريزې سيالۍ نن (شنبه) نيوزيلينډ کې پيل شوې.
دلوبو په لمړي پړاؤ کې دپاکستان اؤ افغانستان د ۱۹ کلنو ملي لوبډلو ترمینځ سیالي وشوې ،
ددغه سیالیو ټاس یا پچه پاکستان وګټله اؤ لمړی یې خپله بیټنګ یا توپ وهنه وکړه.
پاکستان لوبډلې په ۴۸ اوورونو کې ۱۸۸ منډې جوړې کړې اؤ افغانستان ته یې د۴۹ منډو هدف ورکړو.
Wishing all the best to Afghanistan Cricket Team at the @ICC U-19 Cricket World Cup. Best wishes for the opening match against Pakistan. Our team are the favorites given the two historic wins of the ACC U-19 Asia Cup against Pakistan. Afghans are proud of you. Good luck Champs! pic.twitter.com/FVCIkVkIoe
— Dr. Abdullah (@afgexecutive) January 12, 2018
د افغانستان ١٩ کلنو له لوري عظمت الله عمرزي او قيس احمد درې، درې لوبغاړي، نوين الحق دوه، ظاهر خان او نثار وحدت يو يو لوبغاړي وسوزول.
دپاکستان لخوا ورکړل شوی هدف په ٤٨تم اوور کې د پنځوؤ لوبغاړو په سوزېدو ترلاسه کړ او لوبه يې وګټله. د دوى له لوري دروېش رسولي په زړه پورې لوبه وکړه او ٧٦ ناسوځېدلې منډې يې جوړې کړې.
دغه راز اکرام علي خېل ٤٦، رحمان الله ګربز ٣١ او نثار وحدت ١٩ د پام وړ منډې جوړې کړې.
دروېش رسولي د لوبې غوره لوبغاړى اعلان شو.
د کرکټ د ۱۹ کلنو نړیوال جام په لومړۍ لوبه کی د پاکستان پر وړاندی د افغانستان د کرکټ د ۱۹ کلنو ځوانانو نننۍ بریا د مبارکیو تر څنګ په نیک فال نیسو. زمونږ لوبډله ددی توامندي لري چی د نړیوال جام سږنۍ اتلولي د کور کړي - انشاءالله! @ACBofficials pic.twitter.com/qVysUVWM2M
— Dr Omar Zakhilwal (@DrOmarZakhilwal) January 13, 2018
د يادونې ده، افغانستان څو مياشتې مخکې په اسيايي سياليو کې هم پاکستان ته دوه ځلې پرله پسې ماتې ورکړې وه.
اکل شوې چې افغانستان د دغه جام دویمه سیالۍ د جنوري په ۱۷مه له سریلانکا سره ترسره کړي.
افغانستان د نولس کلنو نړیوال جام په بي ګروپ کې لوبه کوي، چې پاکستان، سریلانکا او ایرلنډ هم په کې شامل دي.
د افغانستان ولسمشر محمداشرف غني او اجرائيه رئیس عبدالله عبدالله په خپلو ټویټر پاڼو په جلا جلا پیغامونو کې د دغه بري مبارکي ورکړې ده.