کراچۍ —
پاکستان کې د پوليو دوه نورې پېښې مخې ته راغلي چې ورسره په روان کال کې د پوليو د پېښو شمېره ۴۷ ته رسېدلې ده.
پاکستان کې د پوليو پروګرام ترمخه تازه دوه پېښې د بلوچستان په سر ښار کوټه او بله د خېبرپښتونخوا په بنو ضلع کې مخې ته راغلي دي.
د پوليو پروګرام د مخنيوي چارواکو ويلي دغو ماشومانو ته د پوليو ضد څاڅکي نه دي ورکړی شوي او د ماشومانو په ګوتو يې کور والو د وړاندې نه د سياهۍ نخښې کړي او د پوليو ضد څاڅکو ورکوؤنکو ټيمونه يې دهوکه کړي چې دوي ته څاڅکي ورکړی شوي دي.
پاکستان کې د پولیو تر ټولو زياتې پېښې د خېبرپښتونخوا په بنو ضلع کې مخې ته راغلي چې شمېره يې ۱۹ ده.
په خېبرپښتونخوا کې د پوليو ښکار ماشومانو شمېر ۲۸ او په قبايلي ضلعو کې دا شمېره اته ده.
په بلوچستان کې د پوليو درې، په سيند او پنجاب صوبو کې دوه دوه پېښې مخې ته راغلي دي.