په پاکستان کې د افغانستان تلونکي سفير ويلي د پاکستان د حکومتي مشرانو او د پوځ د مشر سره يې د مخه ښې ليدنې کړي او ويلي يې دي په بېلابيلو موضوعاتو يې ورسره خبرې شوي دي.
شکر الله عاطف مشعل په ټويټر ويلي، د پاکستان د صدر عارف علوي، د بهرنيو چارو وزیر شاه محمود قرېشي، د پاکستان د وزیراعظم د اقتصاد مشاور عبدالرزاق داؤد او د پوځ مشر جنرل قمر جاوېد باجوه سره يې ليدلي دي.
نوموړي ويلي د پاکستان د مشرتابه سره یې د افغانستان او پاکستان د دوه اړخيزه اړيکو او سوداګرۍ ترڅنګ په افغانستان کې د سولې د خبرو په تازه پرمختګ خبرې کړي دي.
هغه ويلي د پاکستان مشرتابه په افغانستان کې په وروستيو کې د شوې لویې جرګې هرکلی کړی دی.
د صدر عارف علوي سره د ليدنې په اړه مشعل ويلي، دوی په ليدنه کې د افغان سولې د عمل او دوه اړخيزه اړيکو په غړه خبرې اترې کړي دي.
Today, I held a farewell meeting with H.E Mr.Arif Alvi, President of Pakistan. I appreciated and thanked his unwavering support during my diplomatic tenure in Islamabad.We also discussed a wide range of issues including Afghan peace process & bilateral relationship between 1/2 pic.twitter.com/WZ21mGlmoV
— Atif Mashal عاطف مشعل (@MashalAtif) August 12, 2020
هغه ويلي د پوځ د مشر سره يې هم په دغو موضوعاتو خبرې شوي دي.
له دې وړاندې نوموړي د پښتنو سياستوالو سره هم ليدنې کړې وې.
د جولايۍ په مياشت کې مشعل په ټويټر د خپلې استعفی ورکولو ويلي ؤ.
جلالتمآب ولسمشر ته مې دویمه استعفاء هم وروسپارله.د نورو لوړو زده کړو د فُرصت نه ګټه اخېستو او ځینو معاذیرو له مخې راته د کار دوام سخت شو چې لاچاره مې د تېر کال د لیندۍ میاشتې په ۲۵ نېټه خپله لومړۍ استعفاء د افغانستان اسلامي جمهوریت جلالتمآب جمهور رئیس ته وسپارله ۱/۳ pic.twitter.com/hM35laj0iU
— Atif Mashal عاطف مشعل (@MashalAtif) July 29, 2020
نوموړی د کال 2018م د نومبر په مياشت کې په پاکستان کې د افغانستان سفير ټاکل شوی ؤ، د هغه نه وړاندې عمر زاخېلوال په پاکستان کې د افغانستان سفير ؤ.