په تاجکستان کې تيره شپه د راغلې زلزلې زورورې جړقونه چې د پاکستان ترڅنګ په هند کې محسوس کړی شوي د خېبرپښتونخوا د افتونو په وخت د انتظام ادارې ویلي تراوسه پورې ورته د زلزلې له امله د کوم تاوان خبر نه دی ترلاسه شوی.
پي ډي اېم اې نن د خالي/ شنبې په سهار ویلي، ادارې ته تراوسه پورې د کوم مالي او ځاني زيان خبر نه دی ورکړی شوی او اړونده چارواکي څارنه کوي.
پی ڈی ایم اے خیبر پختونخوااپڈیٹس:۔ پی ڈی ایم اے خیبر پختونخواکواب تک کسی قسم کی جانی و مالی نقصان کی اطلاع موصول نہیں ہوئی۔۔سکریٹری ریلیف اور ڈی جی پی ڈی ایم اے صورتحال کی مسلسل نگرانی کررہےہیں۔۔پی ڈی ایم اےخیبرپختونخوا کاکنٹرول روم مکمل فعال ہے.ڈی جی پی ڈی ایم اے
— PDMAKP OFFICIAL (@pdmakpk) February 13, 2021
د امريکې د جيولوجيکل سروی ترمخه د زلزلې زور په ريکټر سکېل باندې 5.9 وو او مرکز يې د تاجکستان د مرغاب علاقې نه 35 ميله لرې وو.
د تاجکستان ادارې ویلي د زلزلې زور 6.1 وو او په دغه هېواد کې هم سمدستي د کوم تاوان خبر نه دی ترلاسه شوی.
پاکستاني چارواکو ويلي د زلزلې زور 6.4 وواو په هند کې ويل شوي د زلزلې زور 6.3 ريکارډ شوی دی.
راپورونه وايي د زلزلې جړقونه په افغانستان کې هم شوي دي.
په پاکستان کې د زلزلې جړقونه د خېبرپښتونخوا په مرکز پېښور او برنو نورو ضلعو، اسلام اباد او د پنجاب صوبې په نورو برخو کې محسوس کړی شوي دي.
د شپې په مهال د شوې زلزلې له امله خلک د کورونو نه وتلي او ويره یې خوره کړې وه.