پاکستان کې د کرونا څخه د خلکو مړه کېدو او په کرونا اخته کېدو لړۍ بيا سېوا شوې ده، په ملک کې د کرونا څخه د مړينو ټوله شمېره 22زره 689 ته رسېدلې ده.
بل لور ته د سيند صوبايي حکومت سبا د جمعې د ورځې (16جولايۍ) څخه د اتم ټولګي پورې بيا د سکولونو د بندولو پرېکړه کړې ده.
د سرکاري شمېرو ترمخه په تير شوا روز کې په ملک کې په کرونا اخته 47 کسان مړه شوي دي.
له دې وړاندې په 14 جون 49 کسان مړه شوي وو په دې مينځ کې په دومره ډېره شمېره کې د کرونا څخه څوک نه وو مړه شوي.
بل لور ته په تير شوا روز کې نور 2545 کسان په کرونا اخته شوي دي.
ويل شوي په تير شوا روز کې د کرونا مالومولو دپاره 48زره 910 معاينې يا ټېسټونه شوي چې پکې د مثبت پېښو کچه 5.2 ريکارډ شوې ده، له دې وړاندې د مې په مياشت کې دغه شرح پينځه فيصده وه.
د پاکستان د کرونا مخنيوي د پاره د قامي کميټۍ (اېن سي او سي) مشر اسد عمر ويلي په روغتونونو کې د کرونا ناورغان سېوا شوي دي او د هند قسم کرونا وايرس په سیمه کې تباهي خوروي.
هغه په خلکو غږ کړی چې احتیاط وکړي او زر تر زره ويکسين ولګوي، ځان او نور په خطره کې وانه چوي.
Rapid build up starting to take place in covid patients hospital inflow, as well as patients in critical care. This indian variant has caused devastation in countries in the region. Please follow sop%27s and get vaccinated as soon as possible. Do not risk your own & others lives.
— Asad Umar (@Asad_Umar) July 15, 2021
د پاکستان د سيند صوبې حکومت پرون څو پرېکړې کړي چې پکې ويل شوي په بندو ځايونو کې به خوراکونه بند وي.
د لمړي ټولګي نه تر اتم پورې سکولونه به د جمعې نه بند شي، او د نهم د دې نه بره کلاسونه به هم د امتحانونو نه علاوه بند وي.
ويل شوي د ساعت تيري ځايونه او د سمندر غاړه به هم د جمعې څخه بند شي.
اسد عمر په نهمه جولايۍ ويلي وو، چې د وبا څلورمه څپه امکان لري او ښکاره نخښې يې ښکاري چې دا څپه پېليږي، چې وجه يي په اختياطي تدابيرو عمل نه کول او د وايروسو په نوي شکل کې خورېدل او په خصوصي توګه د انډيا ډېلټا وايرس يي بنيادي علتونه دي.