امريکايي چارواکو د جمعې په ورځ ویلي، په افغانستان کې طالبانو جينکو ته د تعليم د اجازې ورکولو د پرېکړې بیرته اخستو وروسته امریکې په دوحه کې د طالبانو سره کېدونکې خبرې ختمې کړي دي.
امریکا په دوحه کې د طالبانو سره په مهمو اقتصادي مسلو خبرې کولې، دغه خبر (يو اېس) نيوز خپره کړې ده.
په 23 مارچ طالبانو د افغانستان په یخو سیمو کې د هلکانو او جېنکو د ثانوي درجې سکولونه د اوو میاشتو وروسته خلاص کړي وو، او ګڼ شمېر جينکۍ چې سکولونو ته ورغلې خو لا دوی خپل درسونه پېل کړي نه وو چې سکولونو ته امر وشو د شپږم ټولګي نه بره جینکۍ دې بېرته کورونه ته ولېږل شي.
د امریکې، برتانیې، کېنېډا، فرانس، اټلي او ناروی د بهرنيو چارو وزارتونو په ګډه اعلاميه کې په افغانستان کې د واکمنو طالبانو دغه پرېکړه غندلې چې د جينکو دپاره یې سکولونه/ ښوونځي تړلي او د طالبانو نه يې غوښتي چې خپله پرېکړه بيرته واخلي او سکولونه پرانيزي.
د امریکې د بهرنيو چارو وزارت لخوا په 24 مارچ په شريکه خپره کړې اعلاميه کې ويل شوي، مونږ په شریکه د طالبانو دغه پرېکړه غندو چې په 23 مارچ جينکۍ د سکولونو بيرته ليږلي دي.
يو اېس نيوز د رايټر له قوله ویلي چې د امريکې د بهرنيو چارو وزارت ویلي، د طالبانو د جينکو د تعليم د پرېکړې بيرته اخستو ګام سخته مايوسي خوره کړې چې د افغانستان ولس او نړيوالې ټولنې سره د کړې ژمنې نه په شا شوي دي.
د خبر ترمخه د امریکې د بهرنيو چارو وزارت ويلي، مونږ د (طالبانو) سره ځينې ليدنې ختمې کړي چې پکې په دوحه کې ناستې شاملې وې، او دا خبره مو پرې واضحه کړې چې زمونږ دغه پرېکړې په ليدنو کې مهم کردار لوبولو.
د رويټرز ترمخه د دغو ناستو سره اړونده درې چارواکو ويلي، د امریکا او طالبانو ترمنځ په دوحه کې د خالي/ شنبې او اتوار/ يکشنبې په ورځ ناستې ټاکل شوې وې.
په خبر کې د سرچینو له قوله ویل شوي چې په دغو ناستو کې د ملګرو ملتونو او نړيوال بېنک استازي هم شامل وو.
او په افغانستان کې د طالبانو د حکومت د بهرنيو چارو وزارت تاييد کړې چې د طالبانو پلاوی به دوحې ته تلو.
ويل شوي په غونډه کې د افغانستان د مرکزي بېنک د ازادولو او حکومت ته د افغانۍ کرنسۍ چاپ کولو په اړه به هم خبرې کېدې. او دا چې د نړيوال بېنک د لارې به افغانانو ته بشري مرستې ورکول شامل وو.
خو په خبر کې دا هم ويل شوي چې د قطر هغه الوتکه چې د طالبانو د بهرنيو چارو د وزیر امیر خان متقي پلاوی به يې دوحې ته بوتلو، لا د کابل څخه بيرته نه ده ستنه شوې.
دغه کار په داسې وخت کې شوی چې په افغانستان کې د طالبانو په واک کې د راتلو وروسته افغانستان د سخت اقتصادي او بشري بحران سره مخ دی او طالبان د افغانستان هغو اربونو ډالرو ته رسايي هم نه شي کولی کوم چې په بهرنيو هيوادونو کې پراته دي.
د ملګرو ملتونو ترمخه دا وخت په افغانستان کې په مجموعي توګه 23 ملينه ابادي د لوږې سره مخ ده، او د ابادۍ 95 فيصده خلک پوره خوراک ته رسايي نه لري.
باختر دولتي خبري اژانس ويلي، د طالبانو د تعليم وزارت د نجونو د درسونو د ځنډېدو لامل په دې اړه «د شریعت او افغاني دود او کلتور مطابق» طرحې جوړول یاد کړي دي:
"کله چې په دې اړه له شريعت او افغاني دود او کلتور سره سمه جامع طرحه جوړه او د اسلامي امارت د مشرتابه حکم وشي بيابه مکاتبو او ليسو ته رسماً خبر ورکول شي."