د پاکستان پيپلز ګوند مشر بلاول بټو زرداري په قامي اسمبلۍ کې د محمود خان اڅکزي په کور د چهاپې وهلو غندنه کړې، او ويلي يې دي په دغسې کولو صدارتي الېکشن انتخابات لانجمن کولی شي، چا چې د اڅکزي په کور چهاپه وهلې د هغو پرضد دې کارروايي وشي او پلټنې دې وشي.
صدارتی امیدوار محمود خان اچکزئی کے گھر پر چھاپے کی مذمت کرتا ہوں، شہباز شریف اور سرفراز بگٹی سے اپیل کروں گا کہ چھاپے کیخلاف ایکشن لیں۔چیئرمین پاکستان پیپلز پارٹی بلاول بھٹو زرداری کا قومی اسمبلی سے خطاب@BBhuttoZardari pic.twitter.com/eDt7rnCJC2
— PPP Digital (@PPPDigital_) March 4, 2024
پښتونخوا ملي عوامي ګوند ويلي، تېر د اتوار/ يکشنبې په ماسخوتن د ګوند مشر او صدارتي امېدوار محمود خان اڅکزي په کور چهاپه وهل شوې، "دغه چهاپه د مجسټرېټ نه بغېر وهل شوې هيڅ وارنټ نه وو، دوی د دغه عمل په کلکه غندنه کړې" او نن د ګل/دوشنبې په ورځ یې په ګرد هېواد کې د احتجاجونو اعلان کړی دی.
خو د بلوچستان صوبې مخکني نګران وزیراطلاعات جان اڅکزي ويلي، د محمود خان په کور چهاپه نه ده وهل شوې، د هغه د کور سره څنګ ته په يو پلاټ د قبضې شکايت شوی او د دغه پلاټ څخه د قبضې لرې کولو دپاره چهاپه وهل شوې وه.
د پښتونخوا ملي عوامي ګوند مرکزي سيکرټري جنرل عبدالرحيم تېر د اتوار/ يکشنبې په ماسخوتن د ګوند د نورو مشرانو سره په ګډه خبري کانفرنس کې دعوه وکړه، چې د شپې په اته بجې په کوټه کې د محمود خان اڅکزي د کور نه ګېره اچول شوې او د هغه يو ساتونکی یې د لايسنسي وسلې سره نيولی دی.
د زيارتوال په خبره، "محمود خان اڅکزي د قومي اسمبلۍ د سپيکر د انتخاب په وخت کومه وینا کړې وه او ځینې خبرې یې په ګوتې کړې وې، او په اتمه فرورۍ ترسره شوو انتخاباتو کې یې د درغلۍ خبره کړې وه، د دوی جرم صرف دومره دی چې د ايين پاکستان او پاکستان سرلوړي او د جمهور د واکمنۍغوښتنه کوي مونږ د دې خبرو سره ولاړ يو او د هغې مونږ ته دا سزا راکول کيږي".
درې ورځې وړاندې د قومي اسمبلۍ د سپيکر د انتخاب په وخت محمود خان اڅکزي په قومي اسمبلۍ کې وينا کړې.
محمود خان اڅکزی چې د قومي اسمبلۍ غړی منتخب شوی، د سني اتحاد کونسل لخوا صدارتي امېدوار دی، او د پيپلز ګوند د صدارت د څوکۍ دپاره صدر اصف علي زرداري نومولی دی.
د پاکستان تحریک انصاف ګوند چيرمېن بېرسټر ګوهر د صدارتي امېدوار او پښتونخوا ملي عوامي ګوند مشر محمود خان اڅکزي په کور د چهاپې، د کور د تقدس پامال کولو سختو ټکو غندنه کړې ده.
صدارتی امیدوار اور پختونخوا ملّی عوامی پارٹی کےسربراہ جناب محمود خان اچکزئی کی رہائشگاہ پر چھاپے اور چادر و چار دیواری کےتقدس کی پامالی کی شدید ترین الفاظ میں مذمت کرتےہیں۔
— Barrister Gohar Khan (@BarristerGohar) March 4, 2024
د بلوچستان نيشنل پارټۍ مشر او قامي اسمبلۍ غړي اختر مېنګل هم د محمود خان په کور د چهاپې وهلو په کلکه غندنه کړې ده.
Outraged by the raid on Mahmood Khan Achakzai%27s residence. Zero tolerance for truth is loud and clear. Strongly condemn. @MKAchakzaiPKMAP
— Akhtar Mengal (@sakhtarmengal) March 3, 2024
جمعيت علمااسلام ف ګوند هم د اڅکزي په کور د پوليسو چهاپه د افسوس وړ او غندلې ده.
د جمعيت علمااسلام ف ګوند وياند اسلم غوري ويلي، "په نوي خوښ کړل شوي پارلیمان کې د دليل په بنياد د خبرو په ځای په ناوړه کارونو راغلي دي".
پشتونخواہ ملی عوامی پارٹی کے سربراہ اور صدارتی امیدوار محمود خان اچکزئی کے گھر پر پولیس چھاپہ افسوسناک اور قابل مذمت ہے ۔اسلم غوری نئے لاڈلے پارلیمنٹ میں دلیل کی بنیاد پر بات کرنے کی بجائے اوچھے ہتھکنڈوں پر اتر آئے ہیں ۔اسلم غوری دھاندلی زدہ حکمران سیاسی وطیرہ اپنائیں ،کچھ…
— Jamiat Ulama-e-Islam Pakistan (@juipakofficial) March 4, 2024
د قومي اسمبلۍ سپيکر په نهم مارچ د صدر د څوکۍ د انتخاب دپاره د پارليمان ګډه غونډه بللې ده.