د پاکستان د راولپنډۍ ښار د غبن د قضيو اورېدونکي عدالت د کورنيو چارو وزير رانا ثناالله د نیولو حکم کړی، چې ګرفتار دې کړی شي او عدالت ته دې وړاندې کړی شي.
خو د اسلام اباد پوليسوپه ټويټر ويلي، د وفاقي وزير داخله د وارنټ ګرفتارۍ په لړ کې غلط بياني شوې ده.
وفاقی وزیر داخلہ رانا ثناء اللہ خان کے وارنٹ گرفتاری میں غلط بیانی کا معاملہ۔تھانہ میں باقاعدہ وارنٹ گرفتاری وصول کئے گئے۔اینٹی کرپشن اسٹیبلشمنٹ پنجاب نے ریکارڈ دینے سے انکار کردیا۔ تھانے میں باقاعدہ آمد و روانگی کا اندراج کیا گیا۔اینٹی کرپشن اسٹیبلشمنٹ پنجاب کو ہدایت کی گئی ⬇️
— Islamabad Police (@ICT_Police) October 10, 2022
د ځايي مطبوعاتو ترمخه د پنجاب د وزیراعلا د غبن د مخنیوي سلاکار بريګيډيير [ر] مصدق عباسي ویلي، رانا ثناالله ته په کلر کهار سيمه کې د بسم الله نومې هاوسنګ سوسايټۍ کې دوه پلاټونه په بډو رشوتونو کې ورکړی شوي او په 2019 کې د هغه پرضد مقدمده درج شوې خو هغه پکې نه وو پېش شوی.
هغه زياته کړې چې د عدالت نه یې وارنټ ترلاسه کړی او پولیس يې په اسلام اباد کې موجود دي چې رانا ثناالله ګرفتار کړي.
د ګل/دوشنبې په ورځ د مقدمې تفتيش کوونکي افسر عدالت ته ويلي د تورن [رانا ثناالله] د نيولو هڅې يې کړي خو هغه پټ شوی ځکه هغه دې اشتهاري وګرځول شي. خو عدالت هغه اشتهاري نه دی ګرځولی او د هغه د بيا نيولو د هڅې کولو يې ويلي دي.
خو د اسلام اباد پولیسو ویلي په تاڼه کې دګرفتارۍ وارنټ په رسمي ډول ترلاسه شوی خو د پنجاب د غبن ضد ادارې د ريکارډ وړاندې کولو نه انکار کړی دی.
دوی زياته کړې چې د اسلام اباد پوليس به د قانون ترمخه کارروايي کوي. او د پنجاب ادارې ته يې د غلط بيانۍ نه کولو ويلي دي.