سعودي عربستان : 25 لاکو نه زیات مسلمانان د حج فریضه ترسره کوي

سږ کال د ټولې نړۍ نه 25 لاکو نه زیات مسلمانان د حج فریضه ترسره کوي.
د خالي په ورځ د عرفات په مېدان کې د نمره جومات کې د سعودي عربستان مفتي اعظم شېخ عبدالعزیز بن عبدالله الشېخ د حج خطبه ورکړه.
سعودی ولي عهد شهزاده نائف بن عبدالعزیز ویلي تر جمعې ورځ پورې د 18 لاکه نه زیات بهرني مسلمانان سږ کال د حج فریضه ترسره کولو لپاره سعودي عربستان ته رسېدلي دي.
د پاکستان نه سږني کال یو لاکه اتیا زره خلک د حج فریضه ترسره کوي. حج د دین اسلام په بنیادی پېنځو فریضو نه یو دی .
حج په شته منو مسلمانانو باندې په ژوند کې یوځل لپاره فرض دی.
په سپینو احرامونو کې حاجیان د مکې سره نزدې د عرفات په میدان کې جمع دي.
عرفات کې مونځونو او عبادت نه ورسته به حاجیان په منا کې د جمرات یا د شیطانانو د ویشتلو رسم ادا کوي.
د حج مناسک پورا کولو ورسته به حاجیان سبا د اتوار په ورځ د لوې اختر قرباني کوي.