هندوستان برطانيي نه د ازادۍ ۷۵ دستوره ولمانځله او په دې موقع وزیراعظم نرندره مودي وویل چې په اینده ۲۵ کلونو کې به ملک د ترقي یافته ملکونو کې په صف کې شامل کړي.
د ګل، دوشنبې، په ورځ د ازادۍ د ورځ په مناسبت د نوي دلي د لال قلعې نه قام ته وېنا کې مودي وویل چې هندوستان د پرمخته تللي ملکونو په فهرست کې شاملول لوی قرارداد دي خو پکار ده چې په ټول قوت د مقصد ترلاسه کولو دپاره کار وکړی شي.
د وي او ای د رپورټ ترمخه، د ازادۍ د ورځې دستورې دپاره خصوصي حفاظتي ګامونه اخیستل شوي وو او په زرګونو پولیس ګمارل شوي وو.
د رپورټ ترمخه د ازادۍ د ورځ دستورې په موقع وزیراعظم ته په لومړي ځل په هندوستان کې جوړو د ۲۱ توپو سلامي
ورکړی شوه او دې ته په اشاره مودي وویل پکار ده چې هندوستان خودانحصاره شي.
د اتوار، يکشنبې، په ورځ د امریکې صدر جوبایډن هندوستان ته د ازادۍ په ۷۵ کال مبارکي ورکړه.
یادونه: د دې خبر معلومات نوي دلي نه د خبریالې انجانا پاسریشا نه رپورټ نه اخیستل شوي دي