د سویډن هغه کارټونسټ چې په کال 2007 کې یې د پېغمبر اسلام خاکې جوړې کړې وې د موټر په حادثه کې مړ شوی دی.
د سوېډن پولیس ای اېف پي خبري ادارې ته وویل 75 کلن کارټونسټ کارس وېلکس او دوه پولیس افسران د هغوی موټر د یو ټرک سره د ټکر په نتیجه کې د اتوار، يکشبنې، په ورځ مړه شول.
د پېغمبر اسلام خاکه د جوړولو وروسته لارس ته د مرګ دړکې ورکړی شوي وې او د کال 2007 راهسې هغه د پولیس په نګرانۍ کې و.
د پولیس ترجمان ای اېف پي ته وویل د وېلکس د حادثې د سړګ د عادي پېښې په څېر تحقیقات کولی شي او په واقعه کې د څه ورانکارۍ شک نشته.
د ټکر وروسته په ټرک او په هغه موټر اور ولګېدو چې وېلکس پکې سفر کولو. پولیس ویلي دا لا نه ده معلومه چې حادثه په څه سبب وشوه.
د ټرک ډرایور زخمی شوی او هسپتال ته منتقل کړی شوی دی.
د ای اېف پي رپورټ وايي القاعدې د وېلکس په وژلو د یو لک ډالرو انعام اعلان کړی و. رپورټ وايي د پېغمبر اسلام د خاکې چاپ کېدو نه پس سفارتي تاوتریخوالی راپورته شوی و او د هغه وخت د سویډن وزیراعظم فرېډرېک رېنفلډ یو شمېر اسلامي ملکونو سفیرانو سره ملاقاتونه کړي وو چې دا ډول سفارتي شخړه ختمه کړی شي.
په 2015 کې په کوپن هېګن ښار کې د بیان د ازادۍ په موضع په یوه غوڼده کې په وېلکس حمله شوي وه خو هغه بچ شوی و او ډېنمارک یو فلم هدایتکار پکې ووژل شو.