د امریکا صدر ډانلډ ټرمپ لخوا د بریتانیا د یوې سخت دریځي ډلې ویډیوګانې په ټویټر باندې خپرولو ته مسلمانانو او نورو اروپایانو سخت غبرګون ښودلی دی.
THE PRESIDENT OF THE UNITED STATES, DONALD TRUMP, HAS RETWEETED THREE OF DEPUTY LEADER JAYDA FRANSEN%27S TWITTER VIDEOS! DONALD TRUMP HIMSELF HAS RETWEETED THESE VIDEOS AND HAS AROUND 44 MILLION FOLLOWERS! GOD BLESS YOU TRUMP! GOD BLESS AMERICA! OCS @JaydaBF @realDonaldTrump pic.twitter.com/BiQfQkTra9
— Jayda Fransen (@JaydaBF) November 29, 2017
د برتانیې لومړۍ وزیرې دفتر د ټرمپ دغه کار غلط ګڼلی او ځینو نورو بیا ډیر مزاحمت کونکی عمل ګڼلی.
ګڼو وکیلانو برتانیې ته په راتلونکي کال کې د ټرمپ د سفر کنسل کېدل غوښتي دي خو حکومت ویلي چې د سفر پلان پرمخ روان دی.
د چهارشنبې یا شورو په ورځ ډانلډ ټرمپ په ټوېټر باندې درې هغه ویډیوګانې ریټویټ کړې وې کومې چې د برېټن فرسټ د مرستیالې جېډا فرانسن لخوا پوست شوې وې.
برېټن فرسټ ته په پراخه کچه د یوې سخت دریځې ښي لاسې ډلې په سترګه کتل کیږي چې لږ سیاسي اغیز لري او د یو شمېر محکوم شویو مجرمانو لخوا یې رهبري کیږي.
په دوو ویډیوګانو کې تاوتریخوالی لېدل کیږي او دریمه کې داسې ښکاري چې یو مسلمان سړی د بي بي مریم بت ماتوي.
ددغو ویډیوګانو رښتینولي نشي ثابتېدای خو ډیرې داسې ادعاوې شته چې لږ تر لږه یوه ویډیو یې جعلي ده.
د چهارشنبې ناوخته ټرمپ دغو نیوکو ته په ځواب کې د ټیریسا مې په وړاندې سخته ژبه کارولې.
د سپینې ماڼۍ ویاندې سارا سنډرز د ټرمپ ددغه کار دفاع وکړه.
(د ویډیوګانو نه اخوا په رښتیا هم چې دا ګواښ رښتینی دی. ولسمشر د کمپاین له وخت څخه د پولو او د امنیت د ټینګېدو پر اړتیا خبرې کوي.)
جېډا فرانسن تیر کال په مذهبي زور زیاتي باندې محکومه شوې وه او ددغې ډلې نور مشرانو هم زندان تیر کړیدی.
د لندن له پوهنتون څخه انډریا میمون وايي:
(برېټن فرسټ په اصل کې داسې یو تحریک دی چې د لیرې ښې لاسو له ناکامۍ څخه د یوه سیاسي خوځښت په توګه رامنځته شویدی. له دې ډلې سره د ښې لاسو سخت دریځي ته لا قانوني رنګ ورکول کیږي.)
د برېټن فرسټ نارې د هغه کس لخوا وهل کېدې چې په ۲۰۱۶ کې یې مخالف وکیل جو کاکس وژلی وه خو بیا هم له دغې ډلې سره تړاو یې نه دی ثابت شوی.
د هغه کونډې برنډن کاکس د ولسمشر ټرمپ د ریټویټ په اړه خپګان څرګند کړی.
(کله چې د اسلامي مفکورې لرونکی کس کوم برید ترسره کړي نو مونږ ژر پوښتنه کوو چې دا له کومه ځایه راغلی وه. مونږ له خپلو ځانونو پوښتنه کوو چې د نفرت خپرونکی ویناوال څوک وه. دا ډله هم همداسې کوي خو د امریکا ولسمشر یې ملاتړ کوي او مایکروفون په لاس کې ورکوي.)