په منځنې ختیځ کې د امریکا د مرکزي کومندې مشر جنرال فرېنک مېکېنزي ویلې امریکا داسې پلان نه جوړوي چې له افغانستان څخه د بشپړه وتلو وروسته له افغان ځواکونو سره په هوایي بریدونو کې مرسته وکړي.
له وایس آف امریکا سره یوې ځانګړې مرکې کې نوموړې وویل په افغانستان کې د ترهګرۍ ضد هوایي بریدونه به محدودو وي او هغه وخت به ترسره کېږي کله چې په امریکا یا ایتیلافیانو باندې د برید له منصوبو خبر شي.
ښاغلې مېکنزي وویل “له افغانستان څخه د وتلو ورسته که موږ خبر شو چې څوک په امریکا یا ایتیلافیانو باندې برید کول غواړې نو موږ به هوایي حمله ورباندې کوو او دا به هلته زموږ د هر هوایي برید جواز وي”.
د نوموړې جنرال له څرګندونو څخه د نیویارک ټایمز د هغه رپورټ ردونه کېږي چې وایي پېنټګان د کابل یا کوم بل غټ ښار د طالبانو لاس ته د لوېدو د خطر په وخت له افغان ځواکونو سره د مرستې لپاره د هوایي بریدونو اجازه غوښتلو باندې غور کوي.
کله چې د امریکا صدر جوبایډن واک تر لاسه کړ هغه له افغانستان څخه د ځواکونو د بشپړه ایستلو امر وکړ او په یمن کې یې د ایران پلوه حوثي یاغیانو په ضد له سعودي عربستان سره پوځي مرستي راکمې کړې.
جنرال مېکېنزي وویل له افغانستان څخه وتل یوه غټ پرمختګ دی چې نه یوازې یې د هغه د کومندې بلکې د امریکا د ټرانسپورټېشن وسایل یې تر فشار لاندي کړي وو چې د امریکا پوځیان او سامان الات د نړۍ بېلا بېل ځایونو ته رسوي.
ښاغلې مېکېنزي زیاته کړه په دغه وسایلو به فشار دوام ولري پدې چې د امریکا الوتکي به له خپلو مرکزونو څخه د استخباراتې مالوماتو راغونډولو او څارنې لپاره په زرهاو کلومیتره لیرې ځي چې په افغانستان کې د ترهګرو پر ضد فشار جاري وساتي.
په امریکا کې کارپوهان او پخوانيو کوماندانانو له افغانستان څخه د امریکا له وتلو ورسته د هغه هېواد د خوندیتوب په اړه د تفصیلي مالوماتو د نېشتوالي په اړه اندېښنې څرګنده کړې وې خو جنرال مېکېنزي وویل پلانونه خورا ښه پر مخ تللي دي.