امریکا کې د زیارت، پنجشنبې، په ورځ د برطانيې نه د ازادۍ ورځ ولمانځل کېږي، په دې لړ کې خصوصي دستورې کېږي او په مېلینونو امریکایان به د خپلو خپلوانو او ملګرو سره په دې موقع رخصتي د تېرولو دپاره سفرونه کوي.
صدر جوبایډن او د هغه مېرمن به په وایټ هاوس کې د خصوصي دستورو کوربتوب کوي او ماښام به په سرښار واشنګټن ډي سي کې د نېشنل مال د مېدان دپاسه د روایتي اتش بازۍ ننداره کوي.
د ازادۍ ورځ د امریکې د هغو لومړو ۱۳ ریاستونو برطانيي نه یې د ازادۍ د فېصلې په یاد کې لمانځل کېږي.
د دغو ریاستونو نمایندګانو د کال ۱۷۷۶ د جولای په دویمه نېټه د ازادۍ په حق کې ووټونه یا رای ورکړې. دوه ورځې وروسته ډېکلېرېشن اف انډيپېنډېنس یا د ازادۍ اعلامیه منظوره کړی شوه.
د ازادۍ اعلاميه د جولای په څلورمه نېټه په پراخه کچه ووېشل شوه او هم دغه ورځ د ازادۍ د ورځې په توګه لمانځل کېږي.
په کال ١٧٧٦ م کې د موجوده امریکې ١٣ ریاستونو برطانيي نه د ازادۍ علامیه یا ډیکلریشن اف انډیپنډنس منظور کړو.
د کال ١٩۴١ م راهسې د جولايي د میاشت څلورمه نیټه په قامي کچه د رخصتۍ ورځ وي، سکولونه او سرکاري دفترونه بند وي. د ورځې د خوشحالۍ دپاره د اتشبازۍ نندارې کولی شي، پریډونه یا خصوصي لاریونونه کولی شي، د موسیقۍ پروگرامونه کېږي او خلک د خپلو خپلوانو سره په کورونو او یا په پارکونو کې خوراکونه پخوي.
اتشبازي
څلورمه جولايي په عامه توگه د اشتبازۍ دپاره یادیږي. د هېواد په بېلا بېلو برخو کې د اتشبازۍ نندارې وي. تر ټولو لویه د اتشبازۍ مظاهره په نېویارک کې کېږی او بله په سرښار واشنگټن کې وي. په واشنگټن کې د کانگرس د ودانۍ مخې ته د موسېقۍ روایتي پروگرام هم کیږي.
تاریخ
د کال ١٧٧٦ د جولایي د میاشت په دویمه نېټه د کانټېننټل کانگرس د نوم د لاندې د موجوده امریکې ١٣ ریاستونو برطانيي نه د ازادۍ فېصله وکړه او ډیکلریشن اف انډېپینډنس یا د ازادۍ اعلامیه یې منظوره کړه. د اعلاميي مصنف تامس جفرسن و چې ورسته صدر هم جوړ شو.
برطانيي نه د امریکې د ازادۍ بغاوت په کال ١٧٧٥ کې شروع شوی و. د ازادۍ جنگ هغه وخت ختم شو کله چې په کال ١٧٨٣ کې برطانيي او امریکې د ټریټي اف پېرس یا د پېرس لوظنامه لاس لیک کړه. ددغه لوظنامې دلاندې د امریکې ازادي په رسمي توگه تسلیم شوه.
ټرانسپورټېشن سېکیورټي اېډمېنېسټرېشن چې په هېواد کې د سفر د تحفظ اداره ده، وايي د سږ کال د ازادۍ د ورځې په مناسبت تېره هفته په یوه ورځ کې قریباً دریو میلنو خلکو د هېواد د هوايي اډو دلارې سفر وکړو.
ای ای ای نومې غېر حکومتي کمپني چې په سړکونو په بېړني صورتحال کې د ډرایورانو مرسته کوي، اندازه لګوي وايي سږ کال به د ازادۍ د ورځې په مناسبت رخصتیو کې د ۶۰ مېلین نه زیات خلک په موترو کې سفرونه وکړي.