د پاکستان د پوځ او پوځي مشرتابه پرضد ټویټس کولو په تور د پاکستان تحریک انصاف ګوند نيول سېنېټر اعظم خان سواتي د کوټې پوليسو ته د پينځه ورځو په ریمانډ ورکړل شوی دی.
تيره ورځ د دسمبر پر څلورمه پوليسو اعظم خان سواتي په کوټه کې د جوډيشل محسټرېټ عبدالستار مخې ته وړاندې کړی وو.
د اعظم سواتي وکيل اېډوکېټ اقبال شاه وايي پوليسو غوښتنه وکړه چې عدالت دې اعظم سواتي د لسو ورځو لپاره دوی ته د رېمانډ لپاره حواله کړي خو عدالت د لسو پر ځای هغه د پنځو ورځو لپاره پوليسو ته د حواله کولو امر کړی.
د اورونې پر وخت په عدالت کې موجود د پاکستان تحريک انصاف صوبايي مشر قاسم خان سوري له رسنيو سره په خبرو کې وويل چې د ګوند له يوه زمه واره کس سره د يوه بهرنې جاسوس پر ډول رويه کول او په دې ټولو کې بلوچستان استعمالول ښه عمل نه دي.
اعظم سواتی د تحريک انصاف ګوند اوسنی سېنېټر دی، د پاکستان د تحقيقاتو مرکزي ايجنسۍ "ايف ای اې( فېډرل اينوسيټي ګېشن ايجنسي ) څو ورځې وړاندې پر 27 نومبر له اسلام اباد څخه نيولی، پر هغه د پاکستان د پوځ او د پوځ د مشرتابه پر ضد د ټويټونو او خبرو کولو تورونه په تور ايف اې نيولی وو.
د نومبر پر28مه نيټه د اسلام آباد ځايي عدالت اعظم خان سواتي ته دوه ورځنی ريمانډ ورکړی وو، چي پر له پوره کيدو ورسته عدالت د نورو څلورو ورځ ريمانډ ورکړی و۔
د متنازع ټويټونو په اړه د مقدمې تيره اوريدنه پر 29 نومبر د سينير سول جج محمد بشير په عدالت کې شوې وه.
پر دې مهال د پاکستان د تحقيقاتو مرکزي ايجنسۍ "ايف ای اې( فېډرل اينوسيټي ګېشن ايجنسي ) وکيل عدالت ته ويلي چي د اعظم خان سواتي د موبايل او ټويټراکاونټ پلټنې نورې لا پاته دي.
د اعظم خان سواتي لخوا په عدالت کې وکيل بابراعوان وړاندې شوی وو، د اوريدنې پر مهال بابر اعوان عدالت ته استدعا کړې چې د سيکيورټي په وجه دي عدالت کې حاضري نه ورکولو اجازت ورکړي چې عدالت يي درخواست قبول کړی او د کېس اوريدنه يې ځنډولې وه.
د پوليس چارواکي په وينا چې په کوټه او د بلوچستان په نورو ځينو ښارونو کې د سواتي پر ضد مقدمې درج شوي دي د هغو مقدمو په لړ کې يې هغه د کوټې و پوليسو ته حواله کړی دی.
د کوټې ضلعې په کچلاغ پوليس تهاڼه کې پر 26م اکتوبر د اعظم سواتي پر ضد د عزيز الرحمان په نامه يوه تن مقدمه درج کړې وه، په مقدمه کې پر سواتي باندې د پاکستان پوځي اداره او د پوځ پر مشرتابه ته د بد رد ويلو، او د پوځ پر ضد د خلکو د را پارولو تورنه پورې کړل شوي وو.
د اعظم سواتي ضد په ټول پاکستان کې تر 50 د زياته مقدمو د درج کېدو خبر ورکول شوی.
بل لوري ته د تحريک انصاف پر يوه بل فعاله غړي شهباز ګل باندي هم د بلوچستان په قلعه عبدالله کې د عزيز الله نومې کس په مدعيت کې مقدمه درج شوې ده.
په مقدمه کې پر شهباز ګل تور پورې کړل شوي چې هغه په راولپنډۍ کې د تقرير کولو پر وخت د پوځ پر پخواني مشر جنرل قمر جاويد باجوه او د پوځي ادارې په حقله يې بد رد ويلي او په خلګو کې يې د پوځ پر ضد د راپورولو هڅه کړې ده.
پخواني وزير اعظم او د پاکستان تحريک انصاف ګوند مشر عمران خان د خپل ګوند غړو په اړه په ټويټر ليکلي چې له دوی سره انتقامي او جبري مقدمو باندي ټول قام په حيرت او صدمه کې دی.
عمران خان پوښتلي ايا د ګوند پر غړو باندي يې مقدمي په دي وجه درج کيږي چې هغوي سخته ژبه کارولې؟ عمران خان پوښتلي ايا په جمهوري ټولنه کې د سوال کولو حق څوک لري؟.
د عمران خان د دي پوښتنو او د پاکستان تحريک انصاف ګوند غړو پر ضد مقدمو درج کولو په حقله نه هم اوسنې حکومتي چارواکو او نه هم د پوځ کوم بيان تر اوسه مخې ته راغلی دی.
