د کرکټ په میدان کې د خپلې تیزې لوبې په سبب د "بوم بوم" او "ګېم چینجر" نوم ګټونکي شاهد افریدي ویلي دي یو لوبغاړی چې د ټېسټ، یو ورځنۍ او شل اوریزه لوبډله کې وي نو بوج پرې ډېر وي.
د پاکستان د کرکټ بورډ نوي چیرمین(ریئس) نجم سیټهي د خپلې څوکۍ د واک اخستلو سره سم د بورډ په چارو کې د بدلون اعلان کړی او پخوانی کپتان او تند رفتاره لوبغاړی شاهد افریدی یې د لوبډلې د غوره کونکې (سلیکشن) کمیټۍ موقتي مشر ټاکلی.
افریدي د دغه منصب اخستو سره سم ویلي چې د کپتان په مشوره به لوبدله خوښوي.
د کرکټ خبریال فیضان لاکهاني په خپل یو خبر کې ویلي چې شاهد اپریدي اشاره ورکړې نوي بدلونونه به کوي.
شاهد افریدی مطبوعاتو ته وویل:
“چې د کپتان بابر اعظم دا خبره سمه ده چې د کار بوج وېشل پکار دي، نو دا یې ښه خبره کړې وه، ځکه چې ځیني لوبغاړي درې واړه طرزونه (ټېسټ، ونډی، ټي ټونټي) کې لوبېږي”
د هغه په خیال داسې ندي کیدل پکار چې د یو لوبغاړي په تګ سره بیا مشکل جوړ شي ځکه به نور لوبغاړي تیار ساتي.
د خپل راتګ سره ښاغلي اپریدي پخوانی کپتان او وکټ کیپر سرفراز احمد د تيسټ لوبې برخه جوړ کړی.
سرفراز څلور کاله پس د نن نه په کراچۍ کې د نیوزي لینډ په خلاف په ټېسټ کې ولوبېدلو او 86 رنزونه یې جوړ کړل.
sarfar
د ښاغلي اپریدي د سلیکشن کمیټۍ د مشر توب په ټولنیزو رسنیو ویشل شوي غبرګونونه ښودل شوي.
د یو شمیر په خیال د پاکستان کرکټ اخر د نوی زمانې زړه ور دور ته د داخلیدلو قدم واخستو.
خو ځیني داسې هم وايي په میدان د تېزو تېزو شاټونو وهلو او ډلې په خوښولو کې لوی توپیر وي.
د پاکستان د کرکټ نه د استعفا ورکولو ورستو ښاغلي اپریدي په خپل کتاب “ګیم چینجر” کې د پاکستان د کرکټ انتظامېې ته بیوسه ویلي وو، هغه په دغه کتاب کې دعوا کړې وه چې د دې بیوسۍ په سبب جوارګر لوبډلې ته نزدې کېږي.
شاهد اپریدي په خپله یوه مرکه کې ډیوه ته ویلي وو که د بورډ چارواکی شو، نو څنګه چې یې په میدان کې لوبه کوله دغه شان زړه ورې فیصلې په هلته کوي.
وس چې ښاغلی اپریدی پخپله د بورډ چارواکی دی، نو د کرکت مینه وال په تمه دي چې د میدان ګیم چینجر به لوبډله په درغلیو کې د ککړ کیدلو څخه وساتي؟ او په انتظامیه کې به هم “ګېم چینجر” جوړ شي کنه؟
