د هند د سنېما ستوری سېف علي خان د چاکو په ګوزارونو ژوبل کړل شوی

د هند د سنېما د فلمونو ستوری سېف علي ممبۍ کې په خپل کور کې وو، په کور یې غله ورغلي هغه ورسره مزاحمت کړی او د غلو د چاکو په ګوازونو ژوبل شوی، روغتون ته منتقل کړل شوی دی.

د هند خبري ادارې [اې اېن آی] د پوليسو له قوله ویلي، پېښه تېره شپه شوې، څو نامعلومه کسان د سېف علي خان کور ته ورننوتي، په دغه وخت د غلو سره مزاحمت کې هغه ژوبل شوی دی.

ویل شوي، سېف علي خان د ممبۍ ليلاوتي روغتون ته منتقل کړل شوی او د پېښې پلټنې پيل کړل شوي دي.

د باندرا ډي سي د پېښې تاييد کړی او ويلي يې دي، د غلا يا ډاکې پېښه د شپې نزدې په دوه نيمې بجې شوې ده.

د هند ورځپاڼې [انډين اېکسپرېس] ويلي، باندرا کې د سېف علي خان په کور د غلا هڅه شوې، او سېف دا وخت په روغتون کې دی.

د رپورټونو ترمخه، د سېف علي خان عمليات، اپرېشن شوی، درملنه یې روانه ده او روغتيايي حالت یې ښه ښودل شوی دی.