د خېبر پښتونخوا د خزانې وزير مظفر سید خبردارې ور کړی دی که وفاق د نېشنل فنانس کمېشن( د قامي مالیو کمېشن) کې د قامي وسيلو وېش په دواو اونېو کې و نه کړو نو عدالت ته به ځي-
مظفر سید په مرکز تور اولگؤ چې د اين ایف سي په جاري کولو کې د ځنډ نه کار اخلي چې له عمله ېې په صوبه مالي بوج دی-
وي او ډيوه ته مظفر سید اوویل د 1997 پورې صوبو ته 80 فیصده او مرکز ته 20 فيصده برخه ورکول کیدله خو دا وخت مرکز 42.5 فیصده او صوبې 57.5 اخلي-
مظفر سید اوویل چې د اتلسم ايني تر ميم څخه ورستو اوس د صوبو خپلې زموارۍ سوا شوي دي. هغه غوښتنه اوکړه چې صوبو ته دې سمدستي 80 فيصده برخه ورکول شورو کړی شي-
نن په پښتونخوا هاوس کې د قامي وسيلو د وېش په سر غونډه وشوه- مظفر سید اوویل ټولې صوبې په دې صلاح وې چې وفاق دې این ایف سي نور نه ځنډوي.
ښاغلي سید اوویل مرکز لوظ کړې ؤ چې په قامي وېش کې به د ټولو صوبو برخې د تېر بجټ نه وړاندې ورکړي خو تر اوسه ېې نه ده ورکړې.
د پاکستان د ايئن ارټیکل 160 لاندې بایدهر پينځه کاله کې این ایف سي اوویشل شي-
مظفر سید اوویل وفاق د فاټا د سيمې سره هم ډېر زیاتې کوي او پوره برخه ورته نه ورکوي-
مظفر سید اوویل چې فاټا ته برخه ورکول د وفاق زمواري ده او کله چې فاټا د پښتونخوا سره یو ځای شي نو بیا به د صوبې زمواري شي- هغه تور پورې کړو د فاټا سره د پاکستان د جوړېدلو را په دېخوا وفاق زیاتې کوي.
هغه اووېل د پښتونخوا صوبې په مرکز باندې د بجلۍ د پېداوار د گټې په 18 اربه روپو کې 70 فیصده واجبات دي-
مظفر سید په مرکزي حکومت د نېوکو په وخت دا هم اوویل چې نه خو صوبې ته د هغې بقایاجات ورکوي او نه ېې ورته تر اوسه د چين پاکستان اقتصادي لارې کې کړي لوظونه پوره کړي دي.
مرکزي حکومت تر اوسه د مظفر سید د تورنو ځواب نه دی ویلی خو په تاريخي توگه مرکز تر اوسه د قامي وسيلو د برخو وېش لپاره د بورډ کمېشن فیصلې اکثره ځنډوي او یا ېې عملي کړي نه دي
د ښاغلي سید سره مرکه رحمان بونيري کړې ده-
تفصيل په لانديني ويډیو کې وگورئ
