یو پاکستاني شهري چې امریکايي چارواکي وايي د هغه سمندري جهاز کپتان و چې د یمن هوثي باغیانو ته یې د ایران جوړې د مزایلو پرزې یا اجزا وړل، د عدالت په حکم په د هغه د مقدمې د شروع کېدو پورې په بند کې ساتل کېږي.
په محمد پهلوان به د وسلو د سمګلېنګ د کوښښ او د امریکې کوسټ کارډ یا د ساحلي تحفظ ادارې افسرانو د دروغ وېلو په الزاماتو مقدمه کېږي. عدالت د نهې، سه شنبې، په ورځ د پهلوان د بندي ساتلو امر وکړو.
د جنورۍ د میاشت په یولسمه نېټه د امریکې د نیوي سیلز یا د سمندري پوځ دوه عسکر د پهلوان بې بېرغه جهاز ته د ختلو په مهال په بحیره عرب کې ډوب شول. په مهال حوثي باغیانو د عدن په خلیج او د سور سمندر کې په تجارتي سمندري جهازونو حملې شروع کړې وې.
عدالت ته ورکړی شویو دستاتوېزاتو کې د امریکې د وفاقي حکومت وکیلانو وویل کله چې امریکايي عسکر د پهلوان بېړۍ ته ورختل نو هغه کشتۍ د رفتار د کموولو نه انکار وکړو او عملې ته یې چېغه کړه چې د امریکايي عسکرو د ورختلو نه وړاندې دې بېړۍ ته اور ورکړي. د عملې یو بل غړي بالاخر د کشتۍ انجن ودرولو.
د ورجېنیا ریاست په مرکزي ښار رېچمنډ کې په یواېس ډسټرېکټ کورټ کې هغه د حراست په اړه اورونې په مهال د اېف بي ايي خصوصي اېجنټې لارن لي وویل پهلوان اول ویلي وو هغه د جهاز انجنېیر دی او دا چې کپتان د کشتۍ نه کوز شوی دی. د لي ترمخه پهلوان دا هم ویلي وو چې په جهاز کې د سامان په اړه معلومات نه لري. پهلوان په وروسته ومنله چې هغه د جهاز مشري کوي.
د اسسټنټ یو اېس اټرني یا حکومتي وکیل ټروی اېدورډز دا دلیل وو چې ټولنې او د پرواز د خطر له امله دې پهلوان په بند کې وساتل شي.
پهلوان د امریکې سره څه تړون نه لري او اېډورډز وویل د هغه خلاف د ټولو نه سنګین الزام دا دی چې قصداً حوثي باغیانو ته وسله انتقالوله د دې باوجود چې خبر و حوثي باغیان به دغه وسله استعمالوي. د ترهګرۍ د مخنیوي اړه د امریکې په قانون کې په دغه الزام جرم په ثابتېدو شل کاله د قېد سزا کېدلی شي. د دروغو په بیان پېنځه کال د قېد سزا ده.
د پهلوان د دفاع دپاره حکومت مقرر کړي وکیلې اېمي اسټن وویل ممکنه ده چې امریکايی چارواکو د کشتۍ د عملې غړو د تفتیش دپاره چې د کوم ترجمان نه مرسته اخیستې وه هغه ته د پهلوان مورنۍ ژبه پنجابي نه ورتله.
د جهاز په تالاشۍ کې امریکايي ځواکونو د اسرایل جوړې جدېدي روایتي وسلې، د منځي او اوږدې فاصلې پورې د تلونکو مزایلو اجزا یا پرزې او د سمندري جهازونو ضد کروز مزایلې ترلاسه کړې.
د پهلوان نه علاوه د سمندري جهاز د عملې درې نور غړي هم نیول شوي او د امریکې کوسټ کارډ چارواکو ته د دروغو وېلو الزام پې لګول شوی دی. عدالت د دوی په حراست کې د ساتلو امر هم وکړو.
د عملې په دغو غړو الزام دی چې دورغ یې ویلي وو چې پهلوان د جهاز کپتان نه دی او دا چې جهاز د ایران په ځای د پاکستان نه روان شوی و.
د پهلوان د سمندري جهاز د عملې لس نور غړي د عېني شاهدینو په څېر په حراست کې ساتل شوي دي.
د امریکې تحقیقاتي ادارې اېف بي ايي په خپل حلفیه بیان کې ویلي چې د جهاز د عملې غړو د پاسداران انقلا ځواکونو یو چارواکي سره په سېټلایټ فون ګڼ شمېر ځله رابطه کړې وه.
Forum