د یوکرېن ځواکونو د شورو، چهارشنبې، په ورځ د روس په جنوب مغربي سیمه کې ګڼ شمېر ځایونه په ډرون په هدف کړې چې له امله يې په روستوف سیمه کې د تېلو په یو ډیپو اورولګېدو.
د روس د روستوف سيمې ګورنر د سوشل ميډیا په ټېلېګرام وېب پاڼه وویل اور وژونکي په ډیپو لګېدلی اور د مړ کولو کوښښونه کوي خو له امله يې څه مرګ ژوبله نه ده شوې.
د روس د دفاع وزارت وویل د یوکرېن څلور ډرون يې په روستوف او اته نور په ورونیژ سیمه کې راوغورځول.
چارواکو په ورونيژ سیمه کې د څه او یا د مرګ ژوبلې رپورټ نه دی ورکړی.
د یوکرېن په سرحد د بېلګوروډ ګورنر وویل د یوکرېن په ډرون حمله کې درې کورونو ته نقصان رسېدلی خو څه جاني نقصان نه دی شوی.
د روسي چارواکو په قول د روس د فضايي حملې په ضد دفاعي نظام په کرسک سیمه کې هم د یوکرېن یو ډرون راغورځولی دی.
په یوکرېن کې د ډېنېپروپېټېټروسک سېمې ګورنر وویل په سیمه کې د روس په حمله کې لږ تر لږه درې کسان وژل شوي دي.
Forum