په سعودي عرب کې د نهې، سه شنبې، په ورځ د روسي هم منصب سره د ملاقات وروسته د امریکې خارجه وزیر مارکو روبیو وویل د یوکرېن د جنګ منصفانه او مستقل حل د واشنګټن هدف دی.
د روس خارجه وزیر سرګی لاوو روف سره د ملاقات وروسته روبیو په یو یوکرېن کې د شخړې په اړه خبریالانو ته وویل هدف دا دی چې د جنګ منصفانه، دوامداره او داسې حل راوویستل شي چې ټولو ښکېلو فریقېنو ته د قبولولو وړ وي.
د امریکې د سټېټ ډپارټمنټ یا خارجه وزارت ترجمانې ټېمي بروس په یو بیان کې وویل روبیو او لاوو روف په دې خبره متفق شول چې دواړه خوا به د اعلا سطحې ډلې وګماري چې په یوکرېن کې جنګ زر تر زره د ختمولو په لړ کې کار شروع کړي.
روبيو وویل یوکرېن کې جنګ د ختمولو په مذاکراتو کې په یورپي ملکونه شاملولی شي او روس سره د همکارۍ غېر معمولي موقع موجود ده.
بروس د روبیو او د لاوو روف ملاقات د امن په لوري اهم ګام وبللو او ویې ویل روبیو او لاوو روف د اقتصاد او د سرمایه کارۍ په مد کې د همکارۍ چوکاټ جوړ کړلو. ترجمانې وویل په یوکرېن کې جنګ د خاتمې په نتیجه کې د همکارۍ موقعې پېدا کېدلی شي.
روبيو وویل په دې خبره قانع دی چې روس په یوکرېن کې جنګ د ختمولو په لړ کې په سنجیده ډول ښکېلتیا ته تیار دی.
لاو روف وویل امریکا يې خبره کړه چې روس په یوکرېن کې د نېټو ځواکونو د موجودګۍ مخالفت کوي.
یوکرېن صدر ولادومېرزېلېنسکي د نهې، سه شنبې، په ورځ د ترکي په دوره و او په سعودي عرب کې د امریکې او د روسي خارجه وزیرانو په خبرو اترو يې تنقید وکړو. هغه وویل امریکايي او روسي چارواکي د یوکرېن په اړه د یوکرېن نه بغېر مذاکرات کوي.
د روبيو او د لاوو روف ملاقات د سعودي عرب سرښار ریاض په الدرعیه محل کې د سعودي ولي عهد محمد بن سلمان په کوربتوب وشو.
سعودي مطبوعاتو وویل دغه ملاقات د محمد بن سلمان په هدایاتو وشو.
سعودي عرب د قېدیانو د تبادلې د مذاکراتو کوربتوب او په ۲۰۲۳ کې د عرب ملکونو د سرمشرانو په غونډه کې د یوکرېن د صدر ولادومېر زېلېنسکي کوربتوب کړی دی. زېلېنسکي ویلي دا هفته به د سعودي عرب دوره کوي.
په یوکرېن کې د امن په غرض په سعودي عرب کې د خبرو اترو ترڅنګ، اېسوسي اېټېډپرېس خبري ادارې وویل، په یوکرېن کې جنګ دوامداره و او د یوکرېن پوځ وویل تېره شپه روس په یوکرېن د ۱۷۶ ډرونز حمله وکړه چې زیاتره تیاه او یا جام کړی شوو.
Forum