د ګلګت بلتستان په مرکز ګلګت کې چارواکي وايي ديوې ٤٥ کلنې زنانه طبي معاينه سرته رسؤل شوې او داسلام اباد دصحت مرکزي ادارې ته ليږل شوې نمونې څخه څرګنده شوې چې دغه ښځه د کرونا په ناروغۍ اخته شوې ده.
دګلګت بلتستان د اطلاعاتو سکتر فداحسين وي او ای ډيوه ته د دغه کرونا وائروسو څخه دزنانه داغیزمن کیدو پخلې کړی دی.
ښاغلي فدا حسین ویلي دغه زنانه په نزدې ورځو کې دايران څخه بيرته را رسيدلې ده.
نوموړي وويل، یاده میرمن دکرونا ناروغانو په ځانګړې خونه کې بستر کړل شوې او درملنه يي روانه ده.
فدا حسين وایي ګلګت بلتستان دچين سره په پوله پرته سیمه ده او ددغه جغرافيايي تړون له وجې حساسيت لري.
دچين سره شريکه د خنجراب پوله به د اپريل ترمياشتې تړلې ساتل کيږي او د هغې وروستو به د دغه تجارتي لارې دپرانستلو او يا تر نورې اوږدې مودې دتړلو په هکله پريکړه کيږي.
ياده دې وي په پاکستان کې دکرونا وايرس دا پينځم ناروغه دی جې حکومت يې پخلی کړی دی.
تر دې وړاندې څرګند شوؤ ناروغانو کې دوه هم د ګلګت بلتستان، يو دکراچۍ اوي و داسلام باد سره تړاؤ لري او دچارواکو په وینا دغو ټولو تنانو په نزدې وختونوکې د ايران سفرونه کړي وؤ