واشنګټن: هندي چارواکي وايي، حکومتي ځواکونو د یاغیانو یو جګ پوړی قومندان له خپل ملګري او دوه نورو وسلوالو سره د شورو یا چهارشنبې په ورځ په هندي کشمیر کې وژلي دي.
۳۵ کلن ریاض نایکو د حزب الله مجاهدین په نامه له هندي واک څخه د لویې بیلتون غوښتونکې ډلې د عملیاتو مشر وو.
نایکو ل تېرو اتو کالو راهیسې د یادې ډلې یو جګ پوړی قومندان وو چې د چارواکو په وینا له هندوستان سره جګړې ته یې په لسګونو کشمیریان ګمارلي وو.
خبر زیاتوي، کله چې د استخباراتي مالوماتو پر مټ څرګنده شوه چې نایکو د اورپکو له نورو قومندانانو سره د نهې یا سې شنبې په ورځ په یوه کلي کې پټ شوی وو نو په سلګونو هندي سرتیرو ورته د هوا له لیارې ځان رسولی وو.
پولیس وايي، کله چې حکومتي ځواکونو کور په کور چاڼیز عملیات کول نو د یاغیانو لخوا پرې برید شو.
چارواکي وايي، امنیتي ځواکونه په دې وروسته وتوانېدل چې نایکو له دوه نورو وسلوالو سره په یوې وسلوالې نښته کې ووژني.