چارواکي وايي د افغانستان په شمالي سيمه کې سخت سېلابونه راغلي مرګ ژوبله يې اړولې، د 30 نه زیات کسان يې مړه کړي او نور ګڼ يې ژوبل کړي هم دي.
د ارګ ترمخه ولسمشر اشرف غني اړونده وزارت ته په بېړنۍ توګه په پروان کې د خلکو د مرستو لارښوونه کړې ده.
ارګ هم د سېلابونو له امله د پروان په مرکز چاريکار کې د 30 تنو د مړه کېدو پخلی کړی دی او د 300 کورنو د ويجاړېدو يې ويلي دي.
د پروان صوبې وياندې واحده شاهکار ای پي ته ویلي د سېلابونو له امله 25 تنه مړه او 40 ژوبل شوي خو خبري ادارې په رپوټ کې د تن د قوله ويلي روغتون ته 35 جسدونه او 76 ژوبل کسان راوړل شوي دي.
شاهکار د سېلابونو له امله د مړو د شمېرې سېوا کېدو اندېښنه څرګنده کړې او ويلي يې دي امدادي ټيمونه علاقې ته د خلکو د مرستو دپاره استول شوي دي.
طلوع نيوز د پروان د عامې روغتيا د محکمې د مشر صفي الله له قوله ويلي نن د شورو/ چهارشنبې د سهاره پورې د سېلابونو له امله 45 تنه مړه او د 80 پورې ژوبل شوي روغتون ته منتقل کړی شوي دي.
ځايي چارواکو ویلي سېلابونو زياتره ښځې او ماشومان اغېزمن کړي دي.