واشنګټن ـــ د افغانستان د کرکټ ملي لوبډلې د طالبانو تر واکمنۍ وروسته په لومړي ځل د شلو اوورونو د نړیوالو لوبو په دویمه تمریناتي لوبه کې- چې نن په دوبۍ ښار کې وشوه- ویسټ انډیز ته په 56 رنزونو ماتې ورکړه.
افغانستان د ټاس له ګټلو وروسته لومړی د بېټنګ پرېکړه وکړه او د تېرې لوبې غوندې محمد شهزاد او حضرت ځاځي لوبه پیل کړه. ځاځي او شهزاد د لومړۍ ویکټې لپاره د 90 منډو ملګرتیا وکړه.
محمد ځاځي په 35 بالونو کې 56 رنزونه جوړ کړل، محمد شهزاد هم په 35 بالونو 54 رنزونه وکړل.
افغانستان ویسټ انډیز ته د 190 رنزونو هدف وټاکه، د ویسټ انډیز لوبډلې په 20 اورونو کې د پینځو لوبغاړو په آوټ کېدو سره یواځې 133 رنزونه جوړ کړل.
په نړیوالې شل اووریزو لوبو کې د افغانستان لومړۍ لوبه د اکتوبر په 25 ده.