پر ډيوﺭنډ کرښه د اﺯغن تاﺭ لګولو پسر دپاکستان اؤ افغان طالبانو ترمنځ يو واﺭې بيا شخړه رامنځته شوې او طالبانو دبلوچستان ايالت په چاغي ضلعه کې دپولې نه ددغه اﺯغن تاﺭ کټارې نړولې دي.
افغان طالبانو په پاکستان تور لګولی چې دغه کټاﺭې یې په افغان خاوﺭه کې لګولې دي خو تراوسه دپاکستان حکومت په دې اړه څه نه دي ويلي.
په دې وروستیو کې دپاکستان دکورنیو چارو وزیر شیخ رشید ویلي وؤ چې پاکستان به په پوله دازغن تارلګولو پروژه طالبانو سره په ګډه دجوړجاړي په فضاء کې سرته رسوي.
په ټولنیزو رسنیو دډیورنډ کرښې نه دطالبانو لخوا دازغن تار په ټولولو اؤ کټارو ړنګولو تاوده بحثونه روان دي اؤ چرته که دطالبانو داعمل دافغانستان دخپلواکۍ دپاره مهم ګرځول کیږي نو هلته ځېنې فعالین شکونه کوي چې طالبان غواړي له دې لارې افغانانو کې خپل محبوبیت سیوا کړي خو نور دوئ دپاکستان دګټو لپاره کار کوي.
په ټولنیزو رسنیو خپرو شوؤ ویډیوګانو کې مسلح کسان خپله پیژندګلو دافغان طالبانو په نوم کوي اؤ لیدل کیږي چې دوئ دیو ګاډي په مدد سره دشپه په تیاره کې دپاکستان لخوا ازغن تار لپاره لګول شوې ستنې راغورځوي اؤ کټارې ور ړنګوي.
طالبان سمجھتے ہیں کہ ڈیورنڈ لائن پر نمائش کیلئے بھاڑ اکھاڑنے سے افغان قوم کے دل میں اپنے لیے نرم گوشہ پیدا کرلیں گے لیکن شاید ان کو پتہ نہیں کہ افغان قوم اب وہ نہیں رہی جو 1994 میں تھی ، افغان قوم بیس سالہ ارتقائی عمل سے گزری ہے۔فلمی ڈراموں سے افغان قوم کو ورغلایا نہیں جاسکتا۔
— بلڈی سویلین (@TweetOfCivilian) January 1, 2022
دې ویډيوګانو کې په نظر راتلونکي وسله وال دعوه کوي چې پاکستاني ځواکونو دا کټارې دافغانستان په خاوره کې لګولې دي.
دغه مسلح کسان دپاکستان دا عمل دافغانستان په ضد دتجاوز په نوم یادوي اؤ ترڅنګ یې ګواښ کوي چې بیا به دطالبانو اسلامي امارت داسې تجاوز ونه مني.
پاکستاني چارواکو لا په دې عمل خپل رسمي غبرګون نه دی ښکاره کړی خو تر دې وړاندې چې کله تیره اوونۍ هم پولې نه دازغن تار لرې کولو رپورټونه مخې ته راغلي وؤ نو پاکستاني چارواکو دریځ خپل کړی ؤ چې دازغن تار کټارې یې پخپله خاوره کې لګولي اؤ دافغانستان خاورې ته نه دي ور اوښتي.
دپاکستان دکورنیو چارو وزیر شیخ رشید مطبوعاتو ته ویلي وؤ چې په ډیورنډ کرښه د ازغن تارلګولو پروژه به پاکستان دطالبانو سره په رضا سلا سرته رسوي.
دپاکستان حکومت افغانستان سره پخپله ګډه پوله دازغن تار لګولو عمل په کال ۲۰۱۷م کې پیل کړی ؤ اؤ په اګست کال ۲۰۰۲۱م کې دپاکستان دپوځ یو لوړپوړي چارواکي په تورخم پوله خبریالانو ته ویلي وؤ چې افغانستان سره په غځېدلې ۲۶سوه کلومیټره اوږده پوله دازغن تار لګولو په غرض ۹۰ فیصدي کټارې لګول شوې دي.
پاکستان د ډیورنډ کرښه افغانستان سره دخپل مستقل اؤ نړیوال سرحد په توګه یادوي خو افغانستان لا اوسه پورې د ډیورنډ کرښه دسرحد په توګه نه ده منلې اؤ وایي ددې پرېکړه به دافغانستان ولس کوي.
تر طالبانو وړاندې داشرف غني دحکومت په مهال هم په ډیورنډ کرښه دازغن تار لګولو په معامله دپاکستان اؤ افغانستان ترمنځ څو څو ځله شخړې راپورته شوې وې اؤ حتی څو کرته د دواړو هیوادونو پوځیانو په دې شخړه یو بل سره جګړې هم کړې دي.
#AFG Taliban soldiers destroying fencing on the Durrand line , Southern Afghanistan. pic.twitter.com/k02Qmq7b3Q
— BILAL SARWARY (@bsarwary) January 1, 2022
دبلوچستان دچاغي ضلعې سره پیوست د ډيورنډ کرښې نه د ازغن تار دکټارو ړنګولو پسر په ټولنېزو رسنیو تاوده بحثونه پیل شوي دي اؤ زیاتره د رسنیو زیاتره فعالین دا طالبانو دا عمل دافغانستان دخپلواکۍ په ګټه بولي.
خو یو شمیر خلک بیا داسې هم لیدل کیږي چې هغوئ خپلو پوسټونو کې په طالبانو نیوکې کړي چې دوئ دپاکستان دګټو دپاره کار کوي خو افغان ولس کې دمحبوبیت پیدا کولو په خاطر د ازغن تار ټولولو ډرامې کوي.
Our state facilitated these johnnies to rule Afghanistan. NDS is decimated and Indian and American influence has been eliminated. Now enjoy this.pic.twitter.com/OpqvAqWKqG
— Murtaza Solangi (@murtazasolangi) January 1, 2022
پاکستاني خبریال مرتضا سولنګي په ټویټر لیکلي چې زمونږ دولت دغه جنونیانو سره دافغانستان په واک اخستو کې مرسته کړې،این ډي ایس یې له مینځه وړی اؤ دامریکې مداخله یې ختمه کړې اوس دې نو خوند اخلي.
خو د ټولنیزو رسنیو ډیرو فعالینو بیا د ازغن تار په ړنګولو خوشحالۍ ښکاره کړي اؤ دا طالبانو دا عمل یې دافغانستان دخپلواکۍ لپاره یو مهم ګام بللی دی.