د پاکستان دخزانې پخواني اؤ موجوده وزیرانو په يو بل د زياتو پورونو اخستو تورونه لګولي او په ټويټر يې تود بحث پیل کړی دی.
پوهان وايي سياسي ګوندونه د بې بنياده خبرونو خپرولو په سر سياسي ګټې ترلاسه کوي او په نزديو کې د سوشل ميډيا راتلو سره دا عمل ډير چټک شوی دی.
د پاکستان په تېر حکومت کې د خزانې وزير شوکت ترین موجوده حکومت کي د خزانې وزير مفتاح اسماعیل ته په ټويټر ليکلي چې خلکو ته دي دهوکه نه ورکوي، د پاکستان تحريک انصاف حکومت ټول قرض 17.8 ټريلينه روپۍ اخستی په دې کې يې 8.9 ټريلنيه روپۍ د قرضونو د سود په ستنولو کې ورکړي او4.4 ټريلينه د روپۍ ارزښت کې دکمي له امله زياتې شوي دي.
“Mifta Ismail please donot deceive people. Total debt taken by Pti govt Rs17.8 trn. Of which Rs 8.9trn was interest payments, Rs4.4trn devaluation of rupee, Rs 0.4trn as buffer stock and only Rs3.9trn was net borrowing.Your debt/GDP was 71.5% & it has been reduced to 66%by PTI."
— Shaukat Tarin (@shaukat_tarin) April 21, 2022
شوکت ترين ويلي چې دا يې د تېر کال د دسمبر شمېرې ورکړي دي، خو په ځواب کې ورته دخزانې موجوده وزير مقتاح اسماعيل ويلي د پاکستان تحريک انصاف لخوا د اخستل شوو پورونو حجم شل ټريلينه روپۍ دی، او پوښتنه يې ترې کړي ده چې ولې يې د دسمبر پورې شمېرې شريکې کړې ايا دا دهوکه ورکول نه دي؟
د پاکستان ايکسپرس ټريبيون ورځپاڼې خپل يو رپورټ کې ليکلي د عمران خان حکومت په درې څلويښت مياشتو کې 57 بيلينه ډالره قرض اخستي دي چې 26 بيلينه ډالره قرضه يې واپس کړي هم ده،خو د پاکستان مسلم ليګ تېر حکومت 33 بيلينه ډالره قرضه اخستې وه.
Shaukat bhai: A) Total debt increased by PTI by March ‘22 exceeds Rs 20 trillion. Why are you giving Dec ‘21 figures. Isn’t that deception? Surely we expect better from you. B) Just the deficits incurred by PTI in the first 3 years is Rs 10.22 trillion. 1/2 https://t.co/quCbACNU5x
— Miftah Ismail (@MiftahIsmail) April 21, 2022
مفتاح اسماعيل ددې خبر تايد کړی او په ټويټر يې ورته ليکلي په بهرنو قرضو کې اضافه شوې ده،
د پېښور پوهنتون د شمارياتو د څانګي مشر ډاکټر محمد اقبال ډيوه ته وويل کله هم چې کوم ملک قرضې اخستو ته مجبوره شي د هغې اثر بيا تر ډير وخته پورې وي.
هغه وایي چې کله قرضه واخستل شي هغه د سود سره بیرته ستنول وي خو چې کله قرضه واخستل شي او بيا ستنه نه کړل شي نو بيا د هغې بوج په بل حکومت پريوځي.
ډاکټر اقبال وایي نور کله به د بهرنیو هېوادونو نه امداد راتلو نو دقرضو بوج به کم ؤ خو اوس دغه امداد يا کم شوی او يا ختم شوی دی، چي له امله يې د قرضو بوج سېوا کيږي.
نورموړي وويل" تر څو چې په ملک کې دننه د ټېکس ورکوونکو شمېر نه وي زيات شوی تر هغې دا قرضې نه شي ختميدلې، ډيرلږ خلک دي چې ټېکس ورکوي او د دوه ويشتو کروړو خلکو بوج يې په سر اخستی دی"
څيړونکي وايي نن سبا د سوشل ميډيا له لارې خبرونه ډير په چټکتیا سره خپوريږي، او په هغې کې زياتره هغه خبرونه وي چې تايد شوي نه وي او د پروپېګنډې په توګه کارول کيږي.
څيړونکي وايي د قرضو په څېر صحت، تعليم او نورو مدونو کې دشوؤ پرمختیایي کارونو او په هغې د لګښت په اړه هم بېلا بېلې شمېرې خپورل کيږي چې عام ولس ته د سمو او ناسمو معلوماتو بيلول ګران وي۔
خبريال او څيړونکی محمد داود وايي "سياسي ګوندونه اکثر ناسم معلومات خپوري، او دهغې نه سياسي ګټې پورته کوي"
نوموړي زياته کړه د ناسمو معلوماتو خوريدل به په راتلونکې کې ډيره لويه مسله جوړيږي او د حقایقو روڼوالی به ډير کم پاتې شي خو بيا اکثره مطبوعاتي ادارو دداسې شکمنو خبرونو د سپيناوي د پاره ځانله څانګې جوړې کړې دي چې د خبر دبېلا بېلو سرچینو نه پخلی وکړی او کره معلومات خپاره کړي