واشنګټن - د روس په ازادو اخبارونو کې د يو اخبار چيف ايډيټر ډيميټري موراټوف خپله هغه د نوبل ګټلې جايزه په 103.5 ميلين ډالره نيلام کړه چې په کال 2021 کې ورته ورکړل شوې وه.
ښاغلي موراټوف ویلي دغه پيسې به يې د روس د يرغل په وجه د بې کوره کړل شوو اوکريني ماشومانو د پاره خرڅ کيږي.
نيلام منتظيمينو د بولۍ ګټونکي نوم څرګند نه کړو خو د کډوالو د نړيوالې ورځې په موقع نيلام شوې جايزه تر اوسه د ټولو نه په زياته بيه خرڅه شوې ده.
موراټوف د نيلامۍ نه وروستو وويل “زما هيله وه چې د يووالي د پاره به دا ډېرې پيسې راوړي خو دا باور مې نه کولو چې دومره ډېرې پيسې به وکړي”.
دا پيسې به د يونېسېف په لاس د اوکرين بې کوره شوو ماشومانو ته رسول کيږي. موراټوف او د فيلپينز خبريالې ماريا رېسا دا جايزه په خپلو هېوادونو کې د اظهار د ازادۍ د پاره د کار کولو په سر ګټلې وه.
په يو تصوير کې ښيي چې د نيويارک په ټايمز سنټر کې يو تن دغه جايزه د نيلام نه وړاندې ميډيا ته وښودله.
د دې نه وړاندې په کال 2014 کې د نوبل امن جايزه په 4.76 ميلين ډالره نیلام شوې وه.