د پاکستان يو مشهور صحافي ارشد شريف په کينيا کې وژل شوی دی، د هغه مېرمن جويريه صديقي په ټويټر دغه خبر تاييد کړی دی او ويلي يې دي، خاوند يې په کینيا کې په ډزو وژل شوی دی.
جويريه صديقي په ټویټر ويلي، دوست،خاوند او خوښ جرنلسټ يې نن د لاسه ورکړو، پولیس ويلي هغه په کينیا کې ويشتل شوی دی.
I lost friend, husband and my favourite journalist @arsched today, as per police he was shot in Kenya.Respect our privacy and in the name of breaking pls don%27t share our family pics, personal details and his last pictures from hospital. Remember us in ur prayers. pic.twitter.com/wP1BJxqP5e
— Javeria Siddique (@javerias) October 24, 2022
هغې ويلي، د کورنۍ عکسونه يې او نور معلومات يې او د ارشد شریف د روغتون نه وروستی عکس مه شريکوئ.
ارشد شريف چې وړاندې یې د پاکستان په يو شخصي ټيلي ويژن [اې ار وايي ARY] باندې پروګرام کولو د روان کال اګست په میاشت کې ویل شوي وو هغه د پېښور د نړيوال هوايي ډګر څخه د ملک نه بهر وتلی او دوبۍ ته تللی وو.
ارشد شريف د پاکستان د مخکني وزیراعظم عمران خان پلوي او د پاکستان په پوځ تنقيد کوونکی جرنلسټ ګڼل کېدو.
د هغه د بهر تلو وروسته بيا د اې ار وايي چېنل مالک سلمان اقبال ويلي وو چې ارشد شريف نور د هغه د چېنل سره کار نه کوي.
ای ار وای ټي وي روان کال په 31 اکست یو ټویټ کې ویلي وو چې په مات زړه سره خبر ورکوي ارشد شریف به نور د هغوی د ادارې برخه نه وي. د دغه ټي وي تر مخه د ادارې هر ملازم پابند دی چې په ټولنیزو رسنیو د ادارې د پالیسۍ خیال وساتي.
— ARY NEWS (@ARYNEWSOFFICIAL) August 31, 2022
پاکستانۍ ميډيا خبر ورکړی چې ارشد شريف کينيا ته د تلو نه څو ورځې وړاندې په لندن کې ليدل شوی وو.
د عمران خان یو بل پلوي ګڼل کېدونکی او د پاکستان په پوځ اوسني نقاد عمران ریاض خان په ټویټر یوه ویډیو کې د ارشد شریف د مرګ د تصدیق سره سره غوښتنه کړې چې د هغه مړی/جسد دې دوی ته ورسول شي،
"دا وخت زمونږ یواځینۍ غوښتنه دا ده او یواځې دا خبره کوو چې په عزت او احترام سره دې د ارشد ورور (مړی) زر تر زره په اسلام اباد هوايي ډګر کې مونږ ته راورسول شي، نورې خبرې به بیا کوو".
اناللہ وانا الیہ راجعون pic.twitter.com/nQh5Sbngr4
— Imran Khan (@ImranRiazKhan) October 23, 2022
په ټولنيزو رسنیو د ارشد شريف دپاره د تعزيت پېغامونه ورکول کيږي.
خو د پاکستان د حکومت او کينيا لخوا تراوسه د ارشد شريف د پېښې په اړه په رسمي ډول څه نه دي ويل شوي.
د پاکستان څخه بهر تلو وروسته به ارشد شریف په خپل يوټيوب چېنل خپلې تبصرې خپرولې.