فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.
پاکستان کې د خېر ښېګړې خيراتي ادارې [ايدهي فاونډېشن] خپل هوايي اېمبولنس، الوتکه کورمې ته د مرستو دپاره رسولې ده. د ادارې مشر ويلي، کورمې ته به دوايانې رسوي او سخت ناروغان به هم منتقلوي.
د پاکستان بلوچستان صوبه او د خېبرپښتونخوا کورمې ضلعې کې تراوسه پورې د پوليو ضد څاڅکو کمپېن نه دی پيل شوی. پاکستان کې پرون د 16م دسمبر راهسې د 22م دسمبر پورې د پوليو ضد قامي کمپېن پيل کړل شوی دی.
د خېبرپښتونخوا په شانګله ضلعه کې په يو وسله وال بريد کې د يو تاڼدار په ګډون دوه پوليس وژل شوي او درې نور ژوبل شوي دي.
د پېښور په ارمي پبلک سکول کې لس کاله وړاندې خونړي ترهګريز بريد کې په وژل شوو زده کوونکو کې د يو زده کوونکي پلار، خپل زوی ته په خط کې لیکلي، "ټوله شپه نه يم اوده شوی، زړه مې د غمه چوي، په دسمبر کې زمونږ حالت د بیانولو نه وي".
د خېبرپښتونخوا وزیراعلا علي امين ګنډاپور ويلي، لومړی مرکزي حکومت د افغانستان سره "د مذاکراتو په خبره نه راضي کېدو، نو ما بيا مجبورا د صوبې په حېث وويل چې د هغو سره خبره کوم، ځکه مسله زما صوبې ته ده".
په خېبرپښتونخوا کې د قدرتي افتونو په وخت د انتظام ادارې [پي ډي اېم اې] په کورمه ضلعه کې په وروستيو کې د شخړو او فرقه ييزه نښتو څخه اغېرمنو د مرستو دپاره 17کروړه روپۍ جاري کړي دي.
د افغانستان سره په پوله د خېبرپښتونخوا په کورمه ضلعه کې نامعلومه وسله والو د اېف سي، ملېشې ځواک په پوسته بريد کړی، لږ تر لږه شپږ عسکر پکې وژل شوي او اووه نور ژوبل شوي دي.
د خېبرپښتونخوا ګورنر فېصل کريم کنډي لخوا رابلل شوي ټول ګونديز کانفرنس، صوبه کې د امنيت په خراب صورتحال د اندېښنې څرګندونه کړې او ويلي يې دي، د تېر کال په مقابله کې سږ کال په صوبه کې زياته وينه توی شوې ده.
د افغانستان سره په پوله پرتې د کوزې کورمې ضلعې سياسي او مدني فعالانو په بګن، اوچت او مندوري کې خلکو ته د اوښتي مالي او ځاني زيان په اړه احتجاج کړی، دعوه یې کړې د نومبر په 22مه ځينې ترهګرو ډلو د دوی په بازار او کورونو يرغل کړی او د سيمې خلکو ته یې په غټه کچه تاوان اړولی دی.
څيړونکي وايي صوبه کې د امنیت زمه واري د صوبايي حکومت خو د پاکستان تحریک انصاف ګوند حکومت دې پله ډېره توجه نه کوي. خو صوبايي حکومت وايي، په ځانګړي ډول هغو ضلعو کې چې د ناامنۍ پېښې زياتې کيږي هلته د پوليس نفري زياتوي او توان ورله سېوا کوي.
د غېردولتي ادارې پاکستان انسټيټيوټ اف کنفلکټ اېنډ سېکيورټي سټډيز، پيکس د رپورټ ترمخه د تېرې نومبر په مياشت کې د رياست مخالفه د تشدد په پېښو کې 245 کسان وژل شوي دي چې پکې 68 امنيتي عسکر او 50 ملکي وګړي شامل دي. په رپورټ کې ويل شوي 127 وسله وال هم وژل شوي دي.
په کورمې ضلعې کې د پرون راهسې د حکومتي جرګې وروسته په بېلابيلو سيمو کې ډزبندي شوې، چارواکي دعوه کوي د پرون راهسې په سيمه کې امن په ځای شوی، خو غټې لارې هم بندې دي.
د پاکستان د وزيراعظم د دفتر څخه جاري شوې اعلاميه کې ويل شوي، د رياست خلاف منفي پروپېګنډه کې ککړو کسانو په ګوته کولو دپاره ګډ ځانګړی ځواک [ټاسک فورس] جوړ کړل شوی دی.
پښتانه ملت پاله ګوندونه وايي، په پښتنه خاوره د وژنو او ناامنۍ نوې لړۍ پيل شوې، د پښتنو په خاوره د ترهګرۍ او ځينو سيمو کې د فرقو په نوم د وينې تويولو لوبه روانه ده. پښتونخوا کې د يو منظمه سازش لاندې ترهګري کيږي.
د افغانستان سره په پوله پرتې د خېبرپښتونخوا کورمې ضلعې کې د بيګا راهسې بيا هم نښتې روانې دي، د 19م نومبر راهسې په کورمه کې خواوشا د 80 څخه زیاتو کسانو د وژل کېدو وروسته تېره شپه د خېبرپښتونخوا د حکومت وياند د اووه ورځو جنګ بندۍ دعوه کړې وه
د پاکستان د بهرنيو چارو د وزارت وياندې يو ځل بيا ويلي، "پاکستان په افغانستان کې د ترهګرو ډلو په فعالیتونو او د دې ډلو د آزادو پناه ځایونو د شتون په اړه اندېښنه لري. او پاکستان په دغې اړه د امريکې سره هم خبرې شوي دي.
ګورنر د ټول ګونديز غونډې رابللو خبره داسې وخت کې کړې چې صوبه کې په امنيتي ځواکونو بريدونه سېوا شوي، او کورمه کې نن د مسافرو په ګاډو وسله وال بريد کې لږ تر لږه 39 کسان وژل شوي دي.
نور کتل
