د پښتون ملت پاله ګوند پښتونخوا ملي عوامي ګوند مشر محمود خان اڅکزي ویلي، "په هيڅ صورت افغانان په غېرقانوني او غېر اييني طريقه نه شي ويستل کېدی، په نړۍ کې چې د مهاجرينو/ کډوالو دپاره کوم قانون دی پاکستان ته به هم دغه قانون منل وي".
کسی صورت افغانوں کو غیر قانونی و غیر آئینی طریقے سے نہیں نکالا جاسکتا۔ دنیا میں مہاجرین کیلئے جو قانون ہے اسی قانون کو پاکستان نے بھی ماننا ہوگا۔یہاں پشتونخوا وطن میں انہیں لوگ مہاجر بھی نہ کہیں۔ بلوچ وطن، سندھ یا پنجاب میں مہاجر کہا جاسکتا ہے لیکن پشتونخوا وطن میں وہ مہاجر نہیں
— Mahmood Khan Achakzai (@MKAchakzaiPKMAP) October 24, 2023
دوه ورځې وړاندې په کراچۍ پرېس کلب کې د پاکستان د سيند صوبې د کورنيو چارو نګران وزير ريټايرډ بريګيډير حارث نواز او د بلوچستان صوبې د اطلاعاتو نګران وزير جان اڅکزي خبري غونډې ته ویلي وو، د 31م اکتوبر وروسته به "ټول غېر قانونه غېر ملکيان يو يو لټول کيږي او ويستل کیږي".
خبري غونډې ته جان اڅکزي ويلي، "غېر قانونه غېر ملکيان په ملک کې نه شي پاتې کېدی سياسي ګوندونه دې په دې مسله سياست نه کوي".
هغه ويلي وو، "په بلوچستان صوبه کې هم دوی ته ځينې داسې شکايتونه ترلاسه کیږي چې سياسي ګوندونه د افغان کډوالو په شا ودريږي، او که کوم سياسي ګوند د دوی يا غېر قانونه کډوالو سره ودريږي او د هغو خبره کوي نو دا به د رياست پاکستان سره د هغو جګړه ګڼلی شي".
د پاکستان حکومت اعلان کړی د 31م اکتوبر وروسته ټول غېر قانونه غېر ملکیان ويستل کيږي.
په پاکستان کې پښتنو ملت پالو او مذهبي سياسي ګوندونو د افغان کډوالو په ويستلو اعلان ته سخت غبرګون ښکاره کړی دی.
پاکستاني چارواکو وړاندې دعوې کړي پاکستان کې افغانان په جرمونو کې ککړ دي.
خو محمود خان اڅکزي ويلي، "افغانان دې څوک د اشرار يا شر خوروونکو په نوم ونه بلي او نه دې د دوی د ويستلو او جايدادونو ضبط کولو خبرې کوي،کله چې دوی [افغانان] راوستل کېدل نو جنرل ضياالحق به ويل دا مجاهدين او د اسلام سپاهيان زمونږ دپاره جنګيږي خو نن ويل کيږي چې دوی دې وويستل شي".
افغانوں کو کوئی بھی اشرار کے نام سے نہ پکارے اور نہ ہی انہیں نکالنے اور جائیدادیں ضبط کرنے کی باتیں کریں. جب انہیں لایا جارہا تھا تو جنرل ضیاءالحق کہتے تھے کہ یہ مجاہدین اور اسلام کے سپاہی ہمارے لئے لڑ رہے ہیں جبکہ آج کہہ رہے ہیں کہ انہیں نکالا جائے۔
— Mahmood Khan Achakzai (@MKAchakzaiPKMAP) October 24, 2023
د ملګرو ملتونو د کډوالو ادارې او د مهاجرت نړیوال سازمان هم د پاکستان نه غوښتي "هغه افغانان دې خوندي کړي څوک چې تحفظ غواړي او بيرته افغانستان ته د ستنېدو په مهال له خطرو سره مخ کېدی شي".
"يو اېن اېچ سي ار او د مهاجرت نړيوال سازمان د ټولو هيوادونو نه غوښتي، د افغان وګړو په زوره بیرته ستنول دې معطل کړي، او د دوی بيرته ستنېدل دې خوندي، په باعزته او رضاکارانه طريقې سره يقيني کړي".