په ګلګت بلتستان کې د انتخاباتو وړاندې حکومت مخالفه سیاسي پاکستان پيپلز ګوند او مسلم ليګ ن په شمول نورو ګوندونو تور لګولی چې تحریک انصاف ګوند د ټاکنو لپاره جوړ قانونو سرغړونه کوي او د انتخاباتو وړاندې یې دغه فعالیتونو په انتخاباتو کې درغلي بللې.
په ګلګت پلتستان کې د پاکستان پیپلز پارټۍ ویاندې سعدیه دانش وي او ای ډیوه سره د خبرو په وخت ویلي، د کال ۲۰۱۸م د ټاکنو د قانون (اېکټ) ترمخه د انتخاباتو وړاندې کوم یو وفاقي وزیر یا حکومتي غړی نه شي کولی، د انتخابي کمپاېن په لاریونونو او غونډو کې ګډون او یا وینا وکړي.
سعدیه دانش تور لګولی، د تحریک انصاف ګوند وفاقي وزیران د څو ورځو راهسې په سیمه کې د خپلو کاندیدانو سره په کمپاېنونو کې نېغ په نېغه برخه اخلي. او وزیراعظم عمران خان هم د اتوار په ورځ د سیمې سفر کړی.
سعدیه دانش دغه ګام د ټاکنو وړاندې درغلي بللې او زیاته کړې یې ده، د انتخاباتو کمېشن یې پرې خبر کړی خو تر اوسه پرې هیڅ غور نه دی شوی.
دګلګت بلتستان د ټاکنو کميشن مشر يا چيف اليکشن کمشنر راجه شهباز خان د وي او ای ډیوه سره د خبرو په وخت دغه تورونه رد کړي او وايي: ” د ټاکنو کميشن په مکمله توګه تياريانې نيولي چې د درغليو پاکې او ازادې ټاکنې ترسره کړي.“
نوموړي زیاته کړې د ټاکنو روڼ نظام په خاطر د څارنې لپاره یې کېمرې هم لګولي دي.
خو د پيپلز ګوند د مرکزي قيادت او ځايي مشرانو له لوري ويل کيږي، انتخابي کمېشنبېوسه دې او نه شي کولی چې ټاکل شوی قانون او قاعدې عملي کړي.
ګلګت بلتستان کې د پیپلز ګوند ویاندې سعديه دانش زیاته کړې، د حکومت لخوا په سیاسي غونډو کې اولس ته د کړوړونو روپو اعلانونه کیږي او په بدل کې د اولس نه د رايو غوښتنه کیږي.
میرمن دانش تور لګولی چې وفاقي وزیر علي امين ګنداپور د ګورنر ماڼۍ نه د تحریک انصاف ګوند سیاسي دفتر جوړ کړی او هم دغلته په ټاکنو کې د درغلیو پلانونه جوړیږي.
په ګلګت بلتستان کې د نومبر په ١٥مه نيټه د سيمې د قانون ساز اسمبلۍ ٢٤ څوکیو لپاره ټاکنې ترسره کیږي او د پيپلز ګوند چيرمين بلاول بهټو زرداري هم د کمپاين لپاره ه د ٢٢م اکتوبر سخه د ګلګت بلتستان بيلا بيلو سیمو په سفر دی.