په کال 2020 کې د امریکا او پاکستان اړیکې د څیړونکو په خیال که څه هم ډېرې مثالي نه وې خو د واشنګټن او اسلام اباد حکمرانانو سفارتي مزې ټینګ نیولی ؤ چې مرکزي نکته یې په افغانستان کې د امن پروسه وه.
په واشنګټن کې د ویلسن څیړنیز مرکز د جنوبي اېشیا د چارو ماهر مایکل کوګلمېن که څه هم د دواړو هبوادونو وسنیو اړیکې سمې ګڼې خو بې مثله ورته نه وايي:
“د پاکستان او امربکا تعلقات د نور کله په پرتله تر ډېره حده بې د څه سترو ستونزو سم روان وو، علت یې دا ؤ چې د صدر ټرمپ انتظامیې د افغانستان د امن په پروسه کې پاکستان یو مرکزي لوبغاړی ګڼلی دی”
د ښاغلي کوګلمین په خیال دا یوه ښه خبره ده. خو یو څو ټکي دا سې هم وو چې په پاکستان کې پرې تندي تریوو شوي وو هغه وايي:
“لکه د مثال په توګه د امریکا د باندینو چارو وزارت د مذهبي اذادۍ په رپورټ کې په پاکستان سختې نیوکې شوې وې”
د هغه په خیال امریکا په 2021 کې که د امریکا ځواکونه له افغانستانه ووځي نو کیدی شي بیا حالات داسې نه وي پاتې.
د 2020 په سر کې امریکا د افغان طالبانو سره په قطر کې د امن لوظنامه ولیکله او د هغې ورستو د افغانانو د خپل منځو خبرو لړۍ روانه شوه چې تر دې مهاله دوام لري.
د څیړونکو په خیال د امریکه مشران مني د طالبانو خبرو ته په رضا کولو کې د پاکستان چارواکو ډېر مرکزي کردار ادا کړی.
په واشنګټن کې د پاکستان د انګرېزۍ ژبې د اخبار ډان خبریال او څېړونکی انور اقبال
هم داسې فکر کوي تیر کال د دواړو هیوادونو د اړیکو مرکزي ټکی د افغانستان د امن پروسه وه.
انور اقبال البته وايي دا اړېکې بې مثاله نه وې:
“دا تعلقات سم ؤ، خو ډېر ژور نه وو، امریکا د پخوا په شان د پاکستان اقتصادي کمکونه بند کړي وو”
د څیړونکو په خیال په وسني حال کې د واشنګټن او پاکستان مشران دا اړېکې ژوندۍ ساتل غواړي.
د څیړنیز مرکز مشر څیړونکی عارف انصار وايي دا وخت د پاکستان او امریکه د اړیکو ټولې پیسکې د افغانستان د مستقبل سره تړلي دي:
“دې کې د پاکستان او امریکې نظر یو دی”
خو عارف انصار دا هم وايي په مستقبل کې ددې اړیکو شکل بدلیدلی شي.
پاکستان د سېمې د یو بل ستر اقتصادي طاقت چین سره هم دا وخت ډېر ژور تعلقات دي، او امریکا په سیمه کې د چین سوا کیدونکې اثر څاري.
عارف انصاروايي پاکستان غواړي هم د چین سره او هم دا امریکا سره اړېکې وساتي،
ایا دا ممکن ده؟ عارف انصاروايي دا به ګران کار وي:
“چیلنجینګ به وي”
ځیني څیړونکي ګمان کوي تر څو په افغانستان کې د امریکه پوځونه وي او د افغانانو تر منځه د سولې پروسه کامیابه شوي نه وي د واشنګټن او اسلام اباد وسنۍ اړېکې به هم داسې روانې وي.
البته عارف انصار ګڼي په اسلامي نړۍ کې د پاکستان کردار مهم ګڼل کیږي او تر څو په منځني ختیز کې د امریکا د امن پروسه مکمل شوي نه وي امریکا د پاکستان سره به اړیکې هم داسې ساتي.