پاکستان کې د پوليو وايرس د مخنيوي پروګرام ويلي، په ملک کې په دوو نورو ضلعو کې په ماحولياتي نمونو کې د پوليو وايرس معلوم شوي دي، د وړاندې نه په لسو ضلعو کې د پوليو وايرس مثبتې نمونې رپورټ شوي وو.
د پوليو د مخنيوي پروګرام ویلي، نوې نمونې د خېبرپښتونخوا په ډېره اسماعیل خان او پنجاب صوبې په بهاولپور کې ترلاسه شوي دي.
د صحت قامي ادارې ويلي، د پوليو د مخنيوي ليبارټرۍ ترمخه د اتمې نه تر 20 مې په مينځنو ورځو کې د بهاولپور، ډېره اسماعيل خان، پېښور، لکي مروت، کراچۍ جنوبي/ ختيځې او کورنګۍ ضلعو ترڅنګ، مير پور خاص، کوټه، چمن، مستونګ او استه محمد څخه د خچنو اوبو نه اخستل شوو شپږو نمونو کې د پوليو وايرس لاسه شوي دي.
ویل شوي، د موندل شوو وايرسو "جينياتي تعلق د پولې پورې غاړې (افغانستان) کې د (وايي بي تهري) پوليو د ډلې سره تعلق لري".
د پوليو د مخنيوي پروګرام ويلي، "دا وايرس په 2021م کې پاکستان کې ختم شوي و خو تېر کال دغه وایرس بیا د پولې د پورې غاړې څخه راغلي وو، او روان کال تراوسه پورې د 40 ضلعو په ماحولياتي نمونو، او دوو ضلعو کې د پوليو پېښو کې موندل شوي دي".
پاکستان کې له دې وړاندې په مختلفو ښارونو کې په ماحولياتي نمونو کې د پوليو وايرس ترلاسه شوي دي.
هم په روان کال کې تراوسه پورې په ملک کې د څلور پېښې رپورټ شوي دي، تازه پېښه روانه میاشت د سيند صوبې په شکارپور ضلعه کې شوې دوه نيم کلن ماشوم پوليو وهلی دی.
پاکستان کې سږ کال د تازه پېښې نه وړاندې د بلوچستان صوبې په قلعه عبدالله، چمن او ډېره بګټي کې درې نورې پېښې رپورټ شوې وې.
د پوليو د مخنيوي پروګرام وايي، په ملک کې د پوليو د مخنيوي دپاره څو کمپاينې او نورې تګلارې جوړې کړل شوي او سږ کال تراوسه پورې د پوليو ضد څاڅکو څلور کمپاينې شوي چې پکې دوه په ټول ملک کې ترسره شوي دي.
د پروګرام ترمخه، پينځم کمپيان د ملک په 69 ضلعو کې د پرون راهسې پيل شوی او په دې کې به د پينځو کالو نه کم عمر د 70 لکو نه زياتو ماشومانو ته د پوليو ضد څاڅکی ورکولی شي.
پاکستان کې د پوليو د مخنيوي چارواکي وايي، پاکستان او افغانستان يواځيني هيوادونه دي چرته چې د پوليو وايرس شتون لري، او که يو ځل د پوليو وايرس ختم شي د تل دپاره ختميږي ځکه د دې وايرسو په ختمولو ټينګار کولی شي.