د پاکستان وزیراعظم شاهد خاقان عباسي د مطبوعاتو دا خبرونه رد کړې دي چې د امریکې خارجه وزیر رېکس ټېلرسن تیره هفته پاکستان د خپلې دورې په مهال پاکستاني مامورینو ته د ترهگرو یو فهرست ورکړی و.
وزیراعظم شاهد خاقان عباسي دغه تردید د پاکستان یو شخصي ټیلي وژن سره مرکه کې کړی دی.
د رېکس ټېلرسن د پاکستان د سفر ورسته، مطبوعاتو د پاکستان د خارجه وزیر خواجه اصف له قوله دا خبر رپورټ کړی و چې ښاغلي ټېلرسن پاکستاني مامورینو ته د ٧٥ مشکوک ترهگرو فهرست ورکړی و.
امریکايي او افغان چارواکي د ډیر وخت راهسې وايي د حقاني ډلې په شمول د افغان طالبانو مشران په پاکستان کې میشته دي. پاکستان دا خبره ردوي.
په ټیلي وژن مرکه کې پاکستاني وزیراعظم د خپل هیواد دا دریځ هم تکرار کړو چې په افغانستان کې د سولې لپاره د افغانانو په خپل منځو کې د خبرو اترو په لړ کې پاکستان د خپلې ونډې دنده ترسره کولو ته تیار دی.
په دې اړه نور تفصیل اسلام اباد نه د وي او ای ډیوه خبریال اورنگزیب خان په رپورټ کې دلته اوریدی شئ:
Your browser doesn’t support HTML5
د پاکستاني وزیراعظم تردید