د امريکا صدر ډونلډ ټرمپ په ارجنټينا کې د د وي او ای خبريالې ګرېټا وېن سره د جي ټونټي د غونډې نه وړاندې په يوه ځانګړې مرکه کې د خپلو حکومتي پاليسيو دفاع کړې .
نوموړي د امريکا په اقتصاد، د چين په خوريدونکي طاقت او د روس سره په اړيکو د وي او ای خبريالې ګرېټا د يو شمېر پوښتنو ځوابونه ورکړل.
دمرکې په شروع کې مېرمن ګرېټا د صدر ټرمپ نه د امريکا د جي اېم موټرز د کارخانو بندولو او نزدې ١۴٠٠ کارکونکو روزګارونو ختمولو علتونه وپوښتل، صدر ټرمپ ورته په ځواب کې ووېل د هغه لومړۍ ترجيح دا د ه چې کارخانې او د ګاډو فېکټريانې بهر هېوادونو ته لاړې نه شي او په نتیجه کې به یې په امريکا کې روزګارونه زيات شي.
د يوې بلې پوښتنې په ځواب کې چې آيا د چين خورېدونکي اقتصاد نه کومه اندېښنه خو نه لري چې په افريقا ، پاکستان او لاطيني امريکا کې يې لوېې لوېې منصوبې روانې کړي.
صدر ټرمپ وویل چين به پخپلو دغو منصوبو کې پاتې راځي. هغه زیاته کړه "زما په خيال د چين سره چې وړاندې څومره پېسې وې وس ورسره هغه هومره نشته، او د دې وجه زما د چين سره نوې لوظنامه ده. چين چې د امريکا د تېرو صدرانوسره کوم چلونه کول هغه زما سره نه شي کولی. مونږه د چين نه په ۲۵ ٪ ټېکس سره ۲۵۰ اربه ډالرې ګټلې چې زه به دغه رقم دوه چونده او څلور چونده زياتوم."
په لاطينې امريکا کې د چين منصوبې د امريکا امنيت لپاره خطره نه ده نو صدر ټرمپ ووېل "ماته معلومه ده خو دغه ډېرې ګرانې منصوبې دي او چين به پکې ضرور په قرضونو کې ګېرېږي، زه د چين په دغه کار خوشحاله نه يم خو چين په دغو ځآيونو کې روانې منصوبې نه شي پوره کولې دا کارونه ډېرې پېسې غواړي.
د روس د صدر پوټېن سره که ستاسو ليدل کتل وشي نو ستاسو اېجنډه به څه وي؟
صدر ټرمپ ووېل "د يوکرېن سره د کشتيو او د هغوي د سېلرانو د نيولو وروسته به دا د روس د صدر سره د ليدلو يو ښه وخت نه وي. خو زما په فکر مونږه له د روس، چين او نورو هېوادونو سره ښه اړيکې ساتل پکار دي زه به د صدرپوټېن سره ضرور ملاقات کوم خو چې کله غوره موقه په لاس راشي."
ماحولياتي بدلون به د جي ټونټي د غونډې يوه مهمه اېجنډه وي ستاسو د ماحولياتي بدلون په اړه څه خيال دی؟ دغې پوښتنې ته صدر ټرمپ ووېل " زما ځواب ډېر ساده دی ، زما رڼې اوبه او پآکه هوا خوښه ده خو د دې کار لپاره زه د امريکا کاروبارونه په داؤ نه شم لګولی ، که تاسو چين يا د نړۍ نورو هېوادونو ته اوګورۍ هلته چاپېريال ډېر خيچن دی خو څوک په دغې خبره نه کوي. مونږه د نورو لپاره د چاپېر يال په پآکولو په ارباؤ ډالرې نه شو لګولی. زما ساده پاليسي ده او هغه ده لومړی امريکا."
نوموړي اوېل په دغه موضوع به د چين د صدر شي جېن پېنګ سره هم خبره کوي او هغه يې يو ښه ملګری دی ورسره به ملاتړ وکړي.
د مرکې په اخېره کې مېرمن ګرېټا د صدر ټرمپ نه د کورني اقتصاد په اړه وپوښتل چې راتلونکې هفته به کېدی شي د حکومت د بندېدو په اړه هم ووټونه واچول شي نو صدر ټرمپ ووېل " زه نه شم ويلي چې حکومت به بند شي او دا څوک هم نه شي ويلي خو زما لومړۍ ترجيح دا ده چې د امريکا پولې ټينګې کړم چې غېر قانونو کډوال امريکا ته را نه شي مونږه به خلک امريکا ته په مېرټ راولو."
نوموړي د مرکې په اخېر کې يو وارې بيا د امريکايې کمپنۍ جنرل موټرز لخوا د خپلو يو شمېر پلانټونو تړلو په علت څه وو نه وېل خو د خپل حکومت د کارونو ستاېنه يې وکړه چې اقتصاد ډېره وده کړې او په امريکا کې يې بې روزګاري په تېرو ۵۱ کلونو کې تر ټولو ښکته کچې ته راوستلی.