په افغانانو د سفر د بندیزونو او افغانستان نه د انخلا پروازونه د ودرېدلو په سر د تشویش په مهال امریکايي ماموینو په طالبانو غږ کړی چې د خپل لوظ سره سم دې هغو افغانانو ته د بهر تګ اجازت ورکړي چې د افغانستان نه وتل غواړي.
د وي او ای د رپورټ ترمخه تېر کال د اګست په میاشت کې په افغانستان د واکمنېدو وروسته طالبانو ژمنه کړې وه چې هغه افغانان چې قانوني سفري دستاوېزات لري ورته به ملک نه د بهر تګ اجازت ورکولی شي. د دې خبرې غوښتنه نړیوالې ټولنې هم کوله چې هېواد نه تلونکي افغانان باید د سفر اجازت ولري.
د امریکې خارجه وزارت، سټېټ ډپارټمنټ، د شورو، چهارشنبې، په ورځ وویل امریکايي ماموینو د افغانانو په بهر تګ د پابندۍ په مسله طالبانو سره خبرې کړي دي.
د سټېټ ډپارټمنټ ترجمان (نې) وي او ای ته وویل د افغان اتحادیاتو بل ځای په انتقالولو کې امریکا دې خبرې ته ضرورت لري چې طالبان هم په خپل لوظ ودرېږي."مونږ دا تګی هغوي (طالبانو) ته تکرار کړی دی."
د افغانستان دپاره د امریکې موقتي سفیر این مېکېري د شورو، چهارشنبې، په ورځ په ټوېټر وویل هغه خلک چې قانوني دستاوېزات لري پکار ده چې د ملک نه بهر سفر وکړی شي.
د متحده ایالاتو حکومت او د امریکا خلک د افغانانو سره په مرسته تمرکز کوې. د سفر آزادې ته ایجازه ورکول، بشرپالنې او بشرې حقونو اصولو ته غاړه ایښودل به اعتماد جوړونې او اقتصادې نمو ته زمینه مساعده کړې.
— Chargé d’Affaires Ian McCary (@USAmbKabul) March 2, 2022
د طالبانو ترجمان ذبیح الله مجاهد د تېرې هفتې په اخیره کې په کابل کې خبري یوې غونډې ته وویل چې هغه افغانان به د بهر تګ نه ودرول کېږي چې بغېر د څه "عذر" ملک نه تلل غواړي.
مجاهد وویل هغه خلک چې د کورنۍ د غړو ترڅنګ ملک پرېښودل غواړي "عذر نلري"...."مونږ د دوی مخه نیسوو."
د برطانيي موقتي سفیر هکوشورټر د طالبانو نه غوښتلي چې د دغې وېنا دې سپینه وی وکړي.
برطانوي سفارتکار په ټوېټر خپل پېغام کې وویل د طالبانو دغه ډول خبرې د نړیوالې ټولنې سره د طالبانو لوظ کمزوری کوي او هم د افغان ولس اعتماد زیانمن کوي.
We have also seen Taliban instructions to prevent travel by Afghan citizens to foreign countries. Women have been told they cannot travel to foreign countries without a Male guardian and a "justified excuse". These would be unacceptable restrictions on freedom of movement.
— Hugo Shorter (@HugoShorter) February 28, 2022
د وي او ای د رپورټ ترمخه، د نهې، سه شنبې، په ورځ داسې ښکارېدله چې ذبیح الله مجاهد د خپلې خبرې نه په شا شوی دی.
مجاهد وویل خبره یې د هغو افغانان په اړه کړې وه چې د ملک نه تګ دپاره قانوني دستاوېزات نه لري.
هغه په ټوېټر پېغام کې وویل هغه افغانان چې قانوني دستاوېزات او د نورو ملکونه نه بلنې لري بهر تګ او بېرته افغانستان ته ستنېدلی شي.
وي او ای د مجاهد نه پوښتنه وکړه چې طالبانو افغانستان ته په داخلي او په بهر تګ لارو طالب مامورینو ته ویلي چې هغه چا چې د امریکې او نېټو ځواکونو سره یې کار کړی دی هغوی دې ودرول کېږي، طالب ترجمان وویل ممکنه ده چې دا رپورټ ناسم وي.
My remarks about Afghans going abroad was only Afghans who do not have legal documents and are going abroad illegally will be prevented. Our compatriots who have legal documents and invitations can travel outside the country and can return to the country.
— Zabihullah (..ذبـــــیح الله م ) (@Zabehulah_M33) March 1, 2022
د طالبانو دغه مبینه امر یو افغان خبري وېب پاڼې شایع کړی دی.
د مجاهد د یقین دهانیو باوجود د وي او ای رپورټ وايي د افغانانو د سفر په اړه د طالبانو تګلاره واضحه نه ده چې له امله یې د زرګونو هغو افغانانو سفرونه ځنډېدلي دي چې د افغانستان نه وتل غواړي.
د امریکايي پوځ پخوانی عسکر مېټ زېلر چې د نو ون لېفټ بهاینډ نومې غېر حکومتي تنظیم یې افغانانو سره په بهر تګ کې مرسته کوي وايي د 250000 چې امریکې ته د مهاجرت خصوصي ویزو دپاره اهلیت لري اوس هم په افغانستان کې دي. په افغانستان د طالبانو د واکمنېدو نه پس امریکې او نورو ادارو د 124000 نه زیات کسان د افغانستان نه راوېستلي دي.
د هیومن فرست کوالېشن نومې امدادي ادارې اېلېکس پلېټساس وايي په تېرو شپږو میاشتو کې 10000 افغانان راویستل شوي دي.
افغانستان نه د انخلا پروازونه په تېرو څو هفتو کې ځنډیدلي دي او ښکاره سبب یې د قطري او د طالب چارواکو په خپل منځو کې څه شخړه ده. دا خبره د وي او ای رپورټ د هغو کسانو له قوله کړې چې په دې معامله خبر دي.
کابل نه د سټېټ ډپارټمنټ د کرایې اخیری پرواز د جنورۍ په 26 نېټه و. د دې وروسته د سټېټ ډپارټمنټ یو چارواکي وویل پروازونه بیا ودرول شوو. د سټېټ ډپارټمنټ ترجمان (ترجمانې) د رسمي انخلا په اړه څه ونه وېل. ترجمان (ترجمانې) وویل وزارت د امریکايي شهریانو، د امریکې مستقل اوسېدونکو، د افغان اتحادیانو او د کورنیو په انخلا مرستې ته دوام ورکړی دی.