د ملګرو ملتونو د صحت ادارې ورلډ هېلت ارګنایزېشن، ډبلیو اېچ او، مشر د صدر ډانلډ ټرمپ په فیصله خفګان څرګند کړی چې ډبلیو اېچ او سره یې د امریکې مالي امداد ځنډولی دی.
صدر ټرمپ د نهې، سه شنبې، په ورځ په وایټ هاوس کې د کرونا وایرس په اړه د معمول خبري غونډې ته وویل چې خپلې ادارې ته امر کړی دی چې د کرونا وایرس د خپرېدو په اړه د خبرونو خفیه ساتلو او د بدانتظامۍ په لړ کې دې د ډبلیو اېچ او د کردار تحقیقات دې وکړي.
صدر ټرمپ وویل د دغه تحقیقاتو سر ته د رسېدو پورې به امریکا د ډبلیو اېچ او مالي امداد ودروي.
د ډبلیو اېچ او مشر ډاکټر ټیډروس ګېبریسس د شورو، چهارشنبې، په ورځ په جنیوا کې خبري غونډې ته وویل چې امریکا د اوږدې مودې راهسې په سخاوت د ادارې مرسته کوي او په اینده کې به یې هم دغه امداد جاري وساتي.
ډاکټر ټیډروس ګېبریسس وویل د امریکايي امداد د نشتوالي له امله پیدا شوي د پېسو خلا به د نورو مرستندوه ملکونو په کومک د پوره کولو کوښښ کوي.
صدر ټرمپ وايي ډبلیو اېچ او د کرونا وایرس په لړ کې چین سره د نرمۍ نه کار اخیستلی دی.
امریکا د ډبلیو ایچ او ته مالي امداد ورکونکی تر ټولو لوې ملک دی او په تېرو کلونو کې هرکال ادارې ته هر کال تر ۵۰۰ مېلین ډالر ورکړې دي.