دخیبر پښتونخوا په ټانک ضلعه کې دنامعلومه کسانو په ډزو پلار او زوئ وژل شوي، بل لوري ته ځایي خلکو دناامني پرخلاف قامي لښکرې جوړې کړې دي او وایي حکومت دوئ ته تحفظ ورکولو کې ناکامه شوی دی.
افغانستان سره په پوله پرته دخیبر پښتونخوا قبایلي ضلعه جنوبي وزیرستان کې په درېوؤ بیلا بیلو پېښو کې دپاکستان یو پوځي عسکر وژل شوی او نهه نور ژوبل شوي دي.
د اووہ کالو نه بې کوره دشمالي وزیرستان کډوال بیرته خپلو سیمو ته ستنیدل غواړي اؤ وایي اووه کاله يې د کډوالۍ ژوند وکړو بيرته تګ ته په تمه دي خو د حکومت لخوا ورته هيڅ ځواب نه ويل کیږي.
جاني خېل وايي د حکومت او د دوی ترمینځه د وزیرو قامي جرګې په مینځګړيتوب خبرې روانې دي اوکه په یوه میاشت کې د دوی سره د شوو ژمنو عملي ګامونه پورته نه شول دوی به بیا احتجاجي پرلت پیل کړي.
د خېبربښتونخوا په قبايلي ضلع شمالي وزيرستان کې د تيرې شپې راهسې په هدفي وژنو کې یو ځایی مشر وژل شوی او يو بل تن ټپي شوی دی.
د شمالي وزیرستان نه کلونه وړاندې کډوال شوي خلک وايي د تيرو څو مياشتې راهسې ورته مرستې ورکول ودرول شوي او د خېر په غوښتو مجبوره شوي دي.
امنیتي چارواکي وایي دخیبر پښتونخوا په ټانک سیمه کې دماین په یوه چاودنه کې درې تنکي ماشومان هلکان وژل شوي چې دریوارړه خپلو کې وروڼه دي.
د جاني خېل قام او حکومت ترمینځه د وزیر قامي جرګې په مینځګړيتوب خبرې پېل شوي دا له هغې وووسته چې جاني خېلو د وژل شوي مشر ملک نصیب خان د مړي سره 28 ورځې احتجاجي پرلت کړی وو.
څيړونکي وايي د خېبرپښتونخوا په قبايلي ضلعو او په ځانګړي ډول وزيرستان کې د بدامنۍ د تازه پېښو بنيادي علت په دغه سيمه کې د وسله والو بيرته فعاله کېدل دي.
تیره شپه جنوبي وزیرستان کې دایف سي ځواک په پوسته شوي برید کې د درېوؤ پاکستاني سرتیرو له وژل کیدو وروسته پوځ وایي شمالي وزیرستان کې هم په پوځي پوسته دپولې پورې غاړې(افغانستان) څخه ترهګرو ډزې کړي چې پکې دوه پاکستاني پوځیان وژل شوي.
د خېبرپښتونخوا د بنو د جاني خېلو د يو قومي مشر ملک نصیب خان مړی وروسته له هغې خاورو ته سپارل شوی چې دغه قوم د وژل شوي مشر دپاره د انصاف او په علاقه کې د امنيت په ځای کولو دپاره 28 ورځې احتجاجي پرلت کړی دی.
د۲۸ؤ ورځو دسخت احتجاج نه وروسته داتوار په ورځ داتمانزئ اؤ احمدزئ وزیرو دقامي جرګې په منځګړتوب دجاني خیلو اؤ حکومت ترمنځ مذاکرات کامیاب شول چې له هغې وروسته جاني خیلو دخپل مړي ښځولو اؤ احتجاجي پرلت ختمولو پرېکړه کړې ده.
دپرلت مشران وایي که حکومت د دوئ د بې درکه کسانو د خوشې کیدو یا عدالت ته د وړاندې کولو غوښتنه ومنله بیا به حکومت سره دخبرو پروسه په مخ وړي او که نه منل کیږي بیا مذاکرات ځنډوي او د دوئ لخوا دمړي سره اسلام اباد ته دلاریون کولو پریکړه په ځائ ده.
د بنو جاني خېل قبیلې مشران وايي په سیمه کې د دوئ دغوښتنو نه منل کیدو وروسته دوئ د وژل شوي قبایلي مشر مړی ځان سره اخلي اؤ اسلام باد ته یې دلاریون تیارۍ پیل کړې دي.
د قبايلي ضلعې شمالي وزيرستان نه د کال 2014 په نيمايي کۍ د ضرب عضب پوځي عملياتو څخه کډوال شوي ډېری کسان وايي اووه کاله يې د کډوالۍ وشو، د بنو د بکاخېلو او د خوست په ګلان کېمپ کې اوس د سختو ستونزو سره ژوند کوي.
بنو د شمالي وزیرستان سره نژدې سیمه ده. د پاکستان پوځي او حکومتي مامورین وايي د عملیاتو وروسته یې سیمه د وسله والو نه خالي کړې ده خو ځايي خلک وايي د دې باوجود هم په علاقه کې وخت په وخت هدفي وژنې کېږي
د بنو په جاني خېل سیمه کې قامي مشر ملک نصيب خان تر وژنې وروسته نن په ديارلسمه ورځ هم احتجاجي پرلت روان دی اؤ پرلت کوونکي او پخپله حکومتي چارواکي وايي د دوئ تر مينځه د خبرو عمل پيل شوی.
د قامی مشر نصیب خان د وژنې وروسته نن په دولسمه ورځ هم د بنو په جاني خېلو کې د هغه مړي سره احتجاجي پرلت دوام لري او احتجاج کونکي وايی تیره ورځ د حکومت په نمايندګۍ یوه ځايي جرګه ورغلې خو دوی جرګې ته خپل شرطونه وړاندې کړي چې د شرطونو منلو پورې ورسره خبرې نه شي کولی.
د بنو پوليسو د جاني خیلو د پرلت مشرانو پرضد مقدمه درج کړې چې د پرلت پر مهال یې د ریاست او موجوده حکومت پرضد د خلکو راپارولو، د شر او د کرکې نه ډکې وېناګانې کړي دي.
نور کتل
