په اوکراین د روس د یرغل د کال له پوره کېدو سره دې جګړې نه یواځې د پاکستان اقتصاد ته زیان رسولی بلکه هغه پاکستاني زده کونکي یې هم اغېزمن کړي چاچې د اوکراین په پوهنتونونو او کالجونو کې زده کړې کولې. پدغو زده کونکو کې د خېبرپښتونخوا صوبې د سوات منصور خان هم شامل دی چې لا هم په کور ناست دې.
د پاکستان د خزانې وزیر اسحاق ډار منلې ده چې له آی اېم اېف سره د قرضې په سر تر اوسه کوم تړون ته نه دي رسیدلي اقتصاد پوهان وايي، له آی اېم اېف سره د خبرو په پای کې د لوظنامې نه کېدو سره د اقتصادي سقوط خطر لا نور زيات شوی دی.
د ښځو د حقونو فعالینو په پاکستان کې د ښځو پر خلاف د جنسي تیري او نور تارتریخوالي د زیاتېدو په اړه اندېښنې څرګندې کړي دوی ویلي، تر څو چې حکومت د ښځو د حقونو د خوندي کولو تر شا کلک و نه درېږي نو د تیري کونکو مخه به و نه نیول شي.
د پاکستان او نړيوالې مالياتي ادارې ترمنځ د 7 اربه ډالره قرض پروگرام د بحالۍ خبرې روانې دي او وزیر اعظم شهباز شريف ویلي چي پاکستان به د آي اېم اېف ټول شرطونه لازمي پوره کوي.
دويي وړاندیزونه کوي چې پاکستاني چارواکي دې ګاونډي ملکونو سره په تجارتي او سياسي برخو کې اړيکي ښه کړي ګني نړۍ کې به نور هم يوازې پاتي شي. نور تفصیل د اسلام باد نه د وقار احمد پدي رپوټ کې
د اسلام آباد په ګڼو هوټلو کې په لوی شمېر هغه افغانان دېره دي چې نورو هېوادونو ته د تلو تکل لري خو وايي چې ډير بد حال کې دي.
په اسلام اباد کې ميشته افغان کډوال وايي په کابل د طالبانو بیا د واکمنېدو وروسته چې کوم افغانان پاکستان ته راغلي د زياترو کسانو پکې د ويزو قانوني مېعاد ختم شوی دی او د پاکستان حکومت ورسره د ويزو په تازه کولو کې کومک نه کوي
افغانستان کې د طالبانو په واک کې د راتلو وروسته پاکستان ته کډه شوي افغانان وايي دا ځلې په پاکستان کې هم د یو شمېر نوو چېلنجونو سره مخ دي. اسلام اباد ته تازه کډه شوي افغانان زیاتوي دوي ته په کرایه کورونه په ګرانه ورکړی کیږي او چې کوم کورونه ورکوي د هغوي کرایانې ترې یو په دوه زیاته غوښتل کیږي.
د صحت نړیوالې ادارې (ډبليو اېچ او) د شمېرو تر مخه په ګرده نړۍ کې هره ورځ د څلور زرو نه زیات خلک د ټي بي ناروغۍ له سببه خپل ژوند د لاسه ورکوي او هم په یوه ورځ کې ۲۸۰۰۰ تنه په دې ناروغۍ اخته کیږي. پاکستان د نړي په هغه ۳۰ هېوادونو کې په شپږم نمبر دی چرته چې د ټي بي ناروغانو شمېره تر ټولو زیاته ده.
د افغانستان د روان وضعیت اغېزې دپاکستان او افغانستان دواړو هېوادونو په اقتصاد او د عام ولس په کاروبارونو هم شوې دي.
د هوايي ټکټونو کاروبار کونکی يو ټرېولنګ اېجنټ شعېب بټ وايي د طالبانو د افغانستان د واک نيولو نه وړاندې به د کابل د پاره ټکټ تر څلوېښت زره روپۍ پورې ترلاسه کېدی شو خو اوس په دوه درې لکه روپۍ هم ټکټ ډېر په ګرانه ترلاسه کيږي. هغه وايي د ټکټ بېعه د زیاتېدو باوجود هم خلک اوس ټکټ پسې ګرځي
د پاکستان سر ښار اسلام اباد په ډي چوک کې داېف سي دهغو عسکرو د کورنيو غړي په احتجاجي پرلت ناست دي چې کال ۲۰۱۱م کې د خېبر پښتونخوا په شبقدر سيمه کې په يو ځان مرګي برید کې وژلی شوي وؤ.
مينه وفا دافغانستان يوه نامتو سندرغاړې او د فلمي نړۍ روښانه څهره وه. خو اوس په پاکستان کې ورسره د اوسېدو ځای هم نشته او د پنجاب صوبې ښار پنډۍ کې ډېره په ګرانه ژوند تېروي.
نور کتل
