خیبرپښتونخوا کې پولیس کلچر کې د بدلون دعوې اؤ د مینځ کیسه

د پیښور ګلبهار ټانې ته د ننوتو نه پس ..
السلام علیکم ... زما لاسونه ډیر په احترام د میز ترشا په پرته کرسۍ ناست رعب داره صاحب ته وړاندې کیږي...
'"وا سام" اؤ ددې الفاظو سره سم زما لاس ته فقط دوه کوتې راځي.....
کښیناستی شم ؟ زما ددغه پوښتنې سره په کرسۍ ناست صاحب خاموش پاتې کیږي ، زه د ځان سره پیکه کیږم
اؤ بیا زه له خپله انده میلمنو دپاره په پرتو کرسو کښینم ...
د ښه ډير ساعت د انتظار باوجود صاحب په خبرو بوخت دی اؤ تو جو یې زما پله نه راګرځي ....
صاحبه زه څه خبره لرم .....
هن وایه ؟
هغه مختصر جواب راکړو...
زه :مانه د بانک ای ټي ایم کارډ ورک دی ، غواړم روزنامچه رپورټ درج کړم چې څوک یې بې ځایه استعمال نه کړي ...
صاحب : نو مونږ څه کولی شو ؟ بینک ته لاړ شه بلاک یې کړه
زه : سر جي بلاک کړی مې دی خو د نوي ای ټي ایم کارډ اخستو دپاره د روزنامچه رپورټ نقل بانک کې جمع کول ضروري وي .
صاحب : غربۍ تاڼې ته لاړشه دا کار هلته کیږي .
زه : سر خو مانه کارډ د ګلبهار تاڼې حدودو کې ورک شوی دی
صاحب : ښه نو بیا کچهرو ته لاړ شه سټام پیپر ډک کړه بیا راځه خبرې به کوؤ.
زه :صاحبه روزنامچې د پاره سټام پیپر ته ضرورت وي ؟
صاحب په غصه کې : خانې مونږ سره د بحث ټیم نشته ،چې څه مې درته ووې هغه وکړه اؤ پاڅیږه ...
بیا مجبوره زما ګوتې خپل موبائیل ته ورځي
زه په موبائیل ویم : چرته یې روره
هغه :خان جي زه خو علاقه کې په ګشت یم ارډر کوه
زه :یاره تاڼه کې دې ولاړ یم د ای ټي ایم کارډ ورکیدو روزنامچې لیکلو له راغلی من
هغه : ورکه فون مرزا له
هن دا واخلئ خبرې وکړئ
صاحب: زه چا سره خبرې نه کوم پاڅه
زه: ستاسو ایس ایچ او صاحب دی
صاحب . ښه ښه راکه راکه
صاحب : السلام علیکم سر ! ..جي ...جي ، ښه سر ، بې غمه شئ سر. زما مشر دی سر ..
د فون بندیدو سره سم ... هلکه فلاني ورشه مشر له یو فریش جوس راوړه
زه : نا نا روره کور دې ودان بس کار مې وکړه
صاحب: خان جي کارونه به کیږي ، مونږ تابعدار یو
بیا د جوس پځایې کوکا کوله شربت راغی رپورټ د سترګور رپ کې ولیکل شو .....
زه : سر جي یوه خبره وکړم ، قهریږي خو به نه ؟
صاحب : نا سر ارډر کوئ زمونږ مشران یئ
زه : ګوره زه اورم حکومتي وزیران، پولیس افسران ټول دا دعوې کوي چې خیبر پښتونخوا کې پولیس کلچر بدل شوی دی ... زه خوشحال وم چې اوس به کخیري تاڼې ته د تګ نه مخکښې سفارشي ټیلفون ته ضرورت نه وي . ځکه ډاډه راغلم ، خپلې پیژندګلو ته مې ضرورت محسوس نه کړو چې زه صحافي یم اؤ د فلاني رور ، د فلاني تربور یم ... خو دلته په راتلو بیا هم مجبور شوم چې د سفارش سهاره واخلم ، دا هاغه بدل کلچر دی؟
که زه صحافي نه وم نو اوس به په سخته ګرمۍ کې د خپل یو وړوکي ضرورت د پاره څومره کړیدم ؟
صاحب :جي ،جي ،جي تاسو ټیک وایئ ، بس تعارف ښه شی دی
زه : زما تعرف د یو انسان اؤ ددې ملک دیو عام شهري په توګه قابل قبول نه دی ؟
صاحب .. هی هی هی هی هی . بس سر جي معافي غواړو
دا دی خیبر پښتونخوا کې د پولیس بدل شوی کلچر