هغه قاضي چې ویلي یې وو د پاکستان استخباراتي اداره (آی اس آی) د هېواد په قضایه چارو کې لاسوهنه کوي، اوس د خپلې کورنۍ د امنیت په اړه اندېښنه لري.
د اسلام اباد د هايې کورټ قاضي شوکت عزیز صدیقي د پاکستان جیف جسټس (لوی قاضي) ته په یو لیک کې د خپل ځان او کورنۍ د امنیت په اړه ژوره اندېښنه ښودلې.
په صدیقي باندې داسې تورونه پورې شویدي چې له خپل واک څخه یې ناوړه ګټه اخیستی.
قاضي شوکت عزیز صدیقي تر دې مخکې د پاکستان په استخباراتي ادارې (آی اس آی) باندې تور لګولی وو، چې پر قاضیانو باندې فشار راوړي ترڅو د خپلې خوښې پایلې ترلاسه کړي.
په آی آس آی باندې تل دا تورونه وي چې د ژورنالستانو، سیاسي مشرانو او د مدني ټولنې د فعالینو په کیسونو (دوسیو) کې لاسوهنه کوي.
خو دا لومړی ځل دی چې پر دندې د یو برحال قاضي د خپل خوندیتوب (امنیت) په اړه اندېښنې څرګندې کړې دي که څه هم دوی په دغه لیک کې د آی آس آی نوم په څرګندو ټکو نه دی یاد کړی.
