د امریکا د ولسمشرۍ په کمپاین کې، د وسلو په کنټرول باندې امریکایان سره ویشل شوي دي. ولسمشر جو بایډن غواړي په وسلو باندې بندیز ولګوي. د هغه سیال ډانلډ ټرمپ وايي، چې بایډن په اساسي قانون کې د وسلو درلودلو حق ګواښي.
د امریکا ولسمشر کولای شي چې تر اتو کالو پورې کار وکړي. نو که جو بایډن او یا ډانلډ ټرمپ د نومبر په انتخاباتو کې بریالی شي دا به یې وروستۍ دوره وي. خو ټرمپ د ممکنه دریمې دورې په اړه هم خبرې کوي. له واشنګټن څخه د سټیو هرمن راپور مجاهد جواد وړاندې کوي.
د هند په روانو عامو ټاکنو کې ۱۸ میلیونه کسان په لومړي ځل رایه ورکوي چې په هغو کې په میلیونونو د کالج زده کونکی هم دي
په رفح کې د عملیاتو له پلېدو سره امریکا په اسرایلو باندې وسلې درولي د اسرایلو د جګړې په بڼه باندې د فشارونو له زیاتېدو سره، د بایډن ادارې اسرایلو ته د وسلو استول درولي. دا کار د هغو اندېښنو له امله شوی چې اسرایلو په رفح کې د خپلو پوځي عملیاتو د پراخېدو ویلي کوم چې امریکا یې ملاتړ نه کوي.
د هند د انتخاباتو په اوږده پړاو کې به چې د اپرېل په ۱۹ مه پیلېږي، د وزیر اعظم نریندرا مودي د هندو نشنلېست بهاراتیا جناتا پارټي له شلو زیاتو مخالفو ګوندونو له ایتلاف سره سیالي وکړي.
روسانو د مارچ له ۲۲مې نېټې راهیسې د اوکراین په ښارونو باندې راکټي بریدونه زیات کړي چې د اوکرایني چارواکو په وینا کې د جګړې له پیل راهیسې یې د اوکراین د برېښنا سیستمونو ته تر ټولو زیات زیان رسولی. اوکرایني چارواکي وايي، دا وخت د دې نه دی چې امریکا یې له هېواد سره پوځي مرسته کموي.
اوکراینیان هم په نړۍ کې د ګڼو نورو خلکو په څېر حیران نه شول چې ولسمشر ویلادیمیر پوتین د روس په ټاکنو کې په غوڅ اکثریت وګټله. اکثره اوکراینیان دغو پایلو ته په دې سترګه ګوري چې په اوکراین کې به جګړه ژر ختمه نشي. د امریکا غږ د انا چرنیکوا راپور درته مجاهد جواد وړاندې کوي.
د امریکا استازو جرګې د شورو یا چهارشنبې په ورځ هغه قانوني مسوده پاس کړه کومه به چې د لنډو ویډیوګانو په اپ یا ټېک ټاک باندې چې ۱۷۰ میلیونه امریکایان یې کاروي زور راوړي چې له خپلې چینايي کمپنۍ، بایټ ډانس څخه جلا شي.
ملګري ملتونه وايي، په غزه کې لږ تر لږه ۲۰ ماشومان د ولږې له امله مړه شوي او د ډاکټرانو په وينا ګڼ نور له سختو روغتيايي او رواني ناروغیو څخه کړېږي. په دې اړه په په استانبول کې هیدر مرډاک او په غزه کې نیدال حمدونا او امجد تنتیش په ګډه یو راپور جوړ کړی چې تفصیل یې زمونږ همکار مجاهد جواد وړاندې کوي.
د ترکیې او امریکا اړیکې په چټکۍ سره په ښه کېدو دي. واشنګټن ترکیې ته وړاندیز کړی چې کولای شي د امریکا F35 جنګي جېټ الوتکې واخلي کچېرې ترکیه له روس څخه اخېستل شوي S-400 ډول میزایل کوم دریم هېواد ته انتقال کړي.
د امریکا کانګرس دوو غړو شیلا جېکسن او برېډ شېرمن وي او اې اردو ته ویلي، په پاکستان کې به د خلکو په رایه نوی حکومت راځي، نه د کوم بهرني ځواک په لاس. خو دوی د عمران خان په تحریک انصاف ګوند باندې په لګول شویو بندیزونو باندې هم اندېښنه ښودلې.نور معلومات په دې رپورټ کې وګورئ چې مجاهد جواد تیار کړی.
اېف بي آی د امریکا پر بنیادي اډانو باندې د چینايي هکرانون د ګواښونو خبرداری ورکړی
په سره سمندر کې پر کښتیو باندې له بریدونو سره د اروپا اقتصاد ته زیان رسېدلی
پخواني ولسمشر ډانلډ ټرمپ چې کېدای شي د ولسمشرۍ لپاره د ریپلېکنز نوماند شي ګواښ کړی چې د هغه تړون مخه به ونیسي د کوم په ترڅ کې چې ۱۰۶ بیلینه ډالره مرسته له اوکراین، اسرایلو او تایوان ته کېږي.
که په بایډن یا ټرمپ د ټاکنو له ورځې مخکې څه وشي نو څه به پېښ شي؟
اسرایلي ځواکونو بېګاه ټوله شپه د غزې په بېلابېلو سیمو بمباري کړې ده. حماس هم په اسرایلي ځواکونو باندې د خپلو بریدونو ویډیوګانې خپرې کړې. تفصیل د نړیوالو رسنیو د رپورونو پر مټ زمونږ همکار مجاهد جواد راټول کړی.
د ملګروملتونو د امنیت شورا یو ځل بیا غزې پټۍ ته د مرستو د لېږلو په مسوده باندې رایه اچول ځنډولي دي. په ورته وخت کې د اسرایلو لومړي وزیر بین یمین نتن یاهو ویلي، چې پوځي عملیات به تر هغو دوام ولري تر څو چې حماس مات شي او امریکا یو ځل بیا له اسرایلو سره د خپلو مرستو ډاډ ورکړي.
اسرایلي ځواکونه او ټانکونه د غزې جنوبي ښار خان یونس ته ور نېږدې شوي او اسرایلي جنګي الوتکو د غزې په جنوبي برخه کې بمباري کړې
نور کتل
