د امریکې د نیواورلينز ښار په یوه سیاحتي علاقه کې د شورو، چهارشنبې، په ورځ د کال ۲۰۲۵ د شروع کېدو وروسته د خلکو په اجتماع موټر د ورخېږولو په پېښه کې لږ تر لږه ۱۰ کسان وژل شوي او ۳۰ نور زخمیان شوي دي.
د قانون نافذ کوونکو ادارو چارواکو اېسوسي اېټېډ پرېس خبري ادارې ته وویل د موټر ډرایور د ډزو په تبادله کې وژل شوی دی.
د نیواورلینز مېیر یا ښاروالې لټویا کېنټرېل یوې خبري غونډې ته وویل د خلکو وژل کېدو ته د ترهګرۍ د حملې په څېر کتنه کوي او پولیس ویلي په خلکو قصداً موټر ورخېږول شوی دی. خو د اېف بي ايي یو چارواکي وویل دا ده ترهګرۍ پېښه نه ده. د دې نه مخکې چې چارواکو د پېښې په اړه متضاد دریځونه واضحه کړی وی، خبري غونډه ختمه شوه.
د اېف بي ايي یو مقامي چارواکي وویل لږ تر لږه د پېښې د ځای نه چاودېدونکي مواد موندل شوي دي او په دې اړه تحقیقات کوي.
د دې نه مخکې د امریکې خبري ادارې سي بي اېس چېنل د عېني شاهدینو له قوله وویل یو تېز رفتار ټرک د خلکو په ګڼه ورغلو او بیا يې ډرایور راښکته شو او ډزې یې شروع کړې او پولیس جوابي ډزې وکړې.
د بېړني امداد چارواکو د پېښې د وخت په اړه څه نه دي ویلي.
د اېسوسي اېټېډ پرېس خبري ادارې د ښار د بيړني امداد څانګې نولا له قوله وویل دغه پېښه د نیواورلینز په کېنال اېنډ بوربن نومې کوڅه کې وشوه چې خلکو د نوي کال ورځ لمانځله. د موټر مشکوک ډرایور سحر ۳:۱۵ بجې د خلکو په ګڼه ورغللو. د نیواورلینز په دغه کوڅه کې د نوي کال غونډه د دنیا د لویو غونډو څخه یوه ګڼل کېږي.څخه
د نیواورلینز دغه علاقه د فرېنچ کوراټر هم بلل کېږي.
روېټرز خبري اداره وايي د نیواورلینز پولیس په دې اړه په سمدستي ډول څه نه دي ویلي.
یادونه: د دې خبر معلومات د ای پي/ای اېف پي او د روېټرز خبري ادارو نه اخیستل شوي دي
Forum