د امریکا داخله وزارت د تېرې جمعې په ورځ اعلان وکړ چې د مکسیکو خلیج رسمي نوم اوس د امریکا خلیج ته بدل شوی، او د الاسکا لوړه څوکه د دینالي پر ځای بیا د ماونټ مککنلي په نوم یادیږي.
د ګوګل ميپس/نقشه، چې د الفابیټ ګوګل ملکیت دی، به هم دا بدلونونه عملي کړي.
د ګل/دوشنبې په ورځ په اېکس ټولنېزی رسنۍ باندې خپل پوسټ کې لیکلي، چې ګوګل نقشه به د "مکسیکو خلیج" نوم "د امریکا خلیج" ته بدل کړي کله چې دا په رسمي ډول د امریکا د جغرافیایی نومونو سیسټم کې بدله شي.
دا به په امریکا کې د ”ګلف اف امریکا“په نوم ښکاري، خو په میکسیکو کې به ”ګلف اف میکسیکو“پاتې شي. د دواړو هېوادونو څخه بهر، کاروونکي به دواړه نومونه ایني.
د امریکا د داخله وزارت په یوه بیان کې ویلي: “د صدر د امر له مخې، د مکسیکو خلیج به اوس رسمي توګه د امریکا خلیج وبلل شي، او د شمالي امریکا تر ټولو لوړه څوکه به بیا د ماونټ مککنلي نوم ولري.”
د امریکا صدر ډونالډ ټرمپ دا نومونه د تېرې ګل/دوشنبې په ورځ، چې تازه یې دنده پیل کړې وه، د یو لړ اجرائیوي فرمانونو له لارې بدل کړل. دا یې په کمپاین کې کړې ژمنه وه.
Forum